Legzanp sa bon Samariten

10:25-37

Zezi ti servi sa legzanp pour reponn sa kestyon: “Lekel vreman ki mon prosen?” (Li 10:25-29) I ti konnen ki dan kongregasyon Kretyen i ti pou annan “tou sort kalite dimoun,” enkli bann Samariten ek dimoun lezot nasyon. (Zan 12:32) Sa legzanp ti montre son bann disip ki zot devret fer plis zefor pour demontre lanmour pour lezot, menm anver bann ki diferan avek zot.

DEMANN OU LEKOR:

• ‘Ki mannyer mon vwar bann frer ek ser ki annan en lot kiltir?’

• ‘Eski mon pas letan zis avek sa bann ki annan keksoz an komen avek mwan?’

• ‘Eski mon kapab ouver gran mon leker pour aprann konn pli byen lezot frer ek ser?’ (2Ko 6:13)

Lekel ki mon kapab envite pour . . .

• travay avek mwan dan predikasyon?

• vin manze kot mwan?

• vin fer Ladorasyon Fanmir avek nou laprosenn fwa?