Rapel sa ki ti arive avek madanm Lot

Akoz madanm Lot ti get deryer anmezir ki i ti pe sove pour kit Sodonm? Labib pa dir akoz. (Ze 19:17, 26) Sa ki Zezi ti dir avan ki i ti donn sa lavertisman i montre nou ki petet madanm Lot ti anvi bann keksoz ki i ti’n kit deryer. (Li 17:31, 32) Ki nou bezwen fer pour pa perdi laprouvasyon Bondye parey madanm Lot? Nou bezwen fer sir ki rod bann keksoz materyel pa vin sa keksoz pli enportan dan nou lavi. (Mt 6:33) Zezi ti dir ki nou “pa kapab lesklav Bondye e lesklav Larises an menm tan.” (Mt 6:24) Me ki nou kapab fer si nou remarke ki bann keksoz materyel pe konmans pran plas bann keksoz spirityel? Nou kapab priy Zeova e demann li pour ed nou vwar kote nou bezwen fer sanzman e pour donn nou kouraz ek lafors pour fer li.

GET SA VIDEO RAPEL SA KI TI ARIVE AVEK MADANM LOT KI ANNAN TRWA PARTI E APRE REPONN SA BANN KESTYON SWIVAN:

• 

  Ki mannyer presyon pour fer plis larzan ti enfliyans fason panse, koze ek aksyon Gloria?

• Ki mannyer legzanp madanm Lot i en lavertisman pour nou ozordi?

• Ki mannyer Joe ek son fanmir ti benefisye ler zot ti aplik bann prensip Labib?

• Ki mannyer bann dimoun ki Anna ti pas letan avek dan son travay ti afekte son spirityalite?

• Akoz nou bezwen kouraz si lezot i met presyon lo nou pour fer larzan vin sa keksoz pli enportan dan nou lavi?

• Ki mannyer Brian ek Gloria ti fer bann keksoz spirityel vin sa keksoz pli enportan dan zot lavi ankor enn fwa?

• Ki bann prensip Labib ou ti vwar pe ganny demontre dan sa video?