Tenir ferm anmezir lafen sa lemonn i aprose

AKOZ I ENPORTAN: Byento i pou annan bann levennman efreyan kot nou pou bezwen demontre kouraz e annan konfyans dan Zeova plis ki oparavan. Gran ladetres pou konmans avek destriksyon fo larelizyon. (Mt 24:21; Re 17:16, 17) Pandan sa letan kot pou annan en kantite konfizyon, i posib ki nou pou anons en mesaz zizman ki pou sok bokou dimoun. (Re 16:21) Gog sorti Magog pou atak nou. (Eze 38:10-12, 14-16) Pour defann son pep, Zeova pou konmans “sa lager sa gran zour Bondye Tou Pwisan.” (Re 16:14, 16) Depi la konmela, nou bezwen reste fidel e devlop plis kouraz ler nou lafwa i ganny teste, pour nou kapab fer fas avek sa bann levennman ki pe vini.

KI MANNYER POUR FER LI:

• Annan kouraz pour defann e viv dapre bann standar Zeova lo moralite.​—Iza 5:20

• Kontinyen ador Zeova ansanm avek lezot frer ek ser.​—Ebr 10:24, 25

• Obei vitman bann lenstriksyon ki lorganizasyon Zeova i donnen.​—Ebr 13:17

• Medit lo lafason ki Zeova ti sov son pep dan lepase.​—2Pyr 2:9

• Priye e annan konfyans dan Zeova.​—Ps 112:7, 8

GET SA VIDEO BANN LEVENNMAN A LAVENIR KOT NOU POU BEZWEN ANNAN KOURAZ​—EXCERPT. APRE REPONN SA BANN KESTYON SWIVAN:

• 

  Ki bann proklanmater ti fer fas avek ki ti teste zot lobeisans ler zot ti ganny demande pour al dan en lot kongregasyon?

• 

  Ki mannyer nou devlop kouraz ler nou obei?

• 

  Akoz nou pou bezwen kouraz ler Armagedon i vini?

• 

  Ki resi Labib ki ed nou fortifye nou lafwa ki Zeova i kapab sov nou?​—2Kr 20:1-24