VIV KONMAN EN KRETYEN
Eski ou kapab fer laplikasyon pour asiste Lekol pour bann Predikater Rwayonm?
Eski ou aze ant 23 a 65 an e ou dan servis a plen tan? Eski ou annan en bon lasante e ou kapab servi kot i annan plis bezwen? Si ou larepons i wi, eski ou’n mazin pour fer en laplikasyon pour asiste Lekol pour bann Predikater Rwayonm? Depi ki sa laklas in konmanse, plizyer milye koup marye ek bann frer ek ser selibater in fer zot laplikasyon. Par kont, nou bezwen plis frer selibater pour fer zot laplikasyon. Demann Zeova pour ed ou devlop sa dezir pour fer li plezir e pour swiv legzanp son Garson. (Ps 40:8; Mt 20:28; Ebr 10:7) Apre, vwar bann fason pour redwir kantite letan ki ou travay oubyen bann responsabilite personnel ki ou annan pour ou kapab kalifye.
Ki byenfe bann ki’n asiste sa lekol in gannyen ler zot in al servi dan en lot landrwa? Serten ki’n asiste sa lekol in ganny anvoye pour servi dan bann landrwa kot dimoun i koz lezot langaz oubyen pour fer temwannyaz spesyal an piblik. Lezot in servi konman ranplasan pour sirveyan rezyonal, sirveyan rezyonal oubyen misyonner. Ler ou mazin bann loportinite ki i annan dan servis Zeova, ou kapab dir parey profet Izai: “La mon la! Anvoy mwan!”—Iza 6:8.
GET SA VIDEO FIELD MISSIONARIES—WORKERS IN THE HARVEST. APRE REPONN SA BANN KESTYON SWIVAN:
Ki mannyer bann misyonner i ganny selekte?
Ki bon travay bann misyonner pe fer?
Ki serten byenfe bann misyonner in gannyen dan zot servis?