Paran, ansenny ou zanfan sa ki zot bezwen konnen

Nou viv dan en lemonn ki esey fer nou krwar sa ki byen i mal e sa ki mal i byen. (Iza 5:20) Malerezman, serten dimoun i fer keksoz ki Zeova i deteste ki enkli bann aksyon imoral ant dimoun menm sèks. Bann zenn kot lekol oubyen lezot dimoun i kapab esey fors nou bann zenn pour fer parey zot. Ki mannyer ou kapab prepar ou zanfan pour li reisi fer fas avek bann tel sityasyon?

Ansenny ou zanfan bann standar Zeova. (Le 18:3) Anmezir ou zanfan i grandi, ansenny zot sa ki Labib i dir lo sèks dapre zot laz e sa ki zot kapab konpran. (De 6:7) Demann ou lekor: ‘Eski mon’n ansenny mon zanfan lo sa bon fason pour demontre lafeksyon, lenportans pour sanz dan en fason respektab e ki lezot i devret respekte zot lavi prive? Eski mon zanfan pou konnen ki pour fer si en dimoun i esey montre zot pornografi oubyen demann zot pour fer en keksoz ki Zeova i dir i mal?’ Ler zot konn sa bann lenformasyon davans, sa i kapab ed zot evit bokou problenm. (Pr 27:12; Ek 7:12) Ler ou ansenny ou zanfan sa ki zot devret konnen, ou montre ki ou kontan sa leritaz sorti kot Zeova.​—Ps 127:3.

GET SA VIDEO BUILD A HOUSE THAT WILL ENDURE​—SAFEGUARD YOUR CHILDREN FROM “WHAT IS EVIL.” APRE REPONN SA BANN KESTYON SWIVAN:

• 

  Akoz serten paran i ezite pour ansenny zot zanfan lo sèks?

• 

  Akoz paran i devret antrenn zot zanfan dapre “disiplin ek gidans Zeova”?​—Efe 6:4

• 

  Ki lorganizasyon Zeova i donnen pour ed bann paran ansenny zot zanfan lo sèks?​—w19.05 12, bwat

• Akoz ou devret koz avek ou zanfan regilyerman, avan ki zot tonm dan bann problenm grav?