Kote ou ete lo semen pour batize?
VIV KONMAN EN KRETYEN
Swazir pour servi Zeova
Si ou en zenn proklanmater non batize oubyen ou pe etidye Labib, eski i ou lobzektif pour batize? Akoz ou devret anvi batize? Dedikasyon ek batenm i konmansman en relasyon spesyal avek Zeova. (Ps 91:1) Zot kapab osi sov nou. (1Pyr 3:21) Ki mannyer ou kapab fer progre pour batize?
Prouv avek ou lekor ki sa ki ou pe aprann i laverite. Ler ou annan okenn kestyon, fer resers. (Ro 12:2) Vwar si i annan okenn sanzman ki ou bezwen fer e si i annan, fer li akoz ou anvi fer plezir Zeova. (Pr 27:11; Efe 4:23, 24) Toultan priye pour li ed ou. Asire ki atraver son lespri sen, Zeova pou donn ou lafors e i pou siport ou. (1Pyr 5:10, 11) Zefor ki ou fer i vo lapenn. Sa pli bon fason viv i ler ou servi Zeova.—Ps 16:11.
GET SA VIDEO THE ROAD TO BAPTISM. APRE REPONN SA BANN KESTYON SWIVAN:
Ki lobstak serten frer ek ser in sirmonte pour zot batize?
Ki mannyer ou kapab devlop plis lafwa ki pour ed ou dedye ou lavi avek Zeova?
Kwa ki’n motiv sa bann frer ek ser pour pran sa pa pour batize?
Ki mannyer Zeova i beni bann ki swazir pour servi li?
Ki dedikasyon ek batenm i vedir?