Tret bann madanm aze parey bann manman, bann zenn madanm parey bann ser

Labib i dir nou tret bann Kretyen aze konmsi zot nou manman ek papa e bann zenn konman nou bann frer ek ser. (Lir 1 Timote 5:1, 2.) Bann frer espesyalman, i bezwen tret bann ser avek dinyite ek respe.

En frer pa pour zanmen flirt avek en ser oubyen fer okenn keksoz ki pour fer sa ser santi li enkonfortab dan son prezans. (Zob 31:1) En frer selibater pa pou zwe avek santiman en ser selibater par fer li krwar ki i kontan li kan i pa vreman enterese.

Bann ansyen i devret pran kont pwennvi bann ser, ler bann ser i demann en kestyon oubyen fer resorti en pwen lo en keksoz ki bezwen zot latansyon. Bann ansyen i sirtou bezwen pran konsiderasyon pour bann ser ki napa en msye pour protez zot.​—Ri 2:8, 9.

GET SA VIDEO DEMONTRE VRE LANMOUR DAN KONGREGASYON​—ANVER BANN VEV EK ORFELEN. APRE REPONN SA BANN KESTYON SWIVAN:

• 

  Ki mannyer kongregasyon ti demontre en gran lanmour pour ser Myint?

• 

  Ki mannyer sa lanmour ki kongregasyon ti demontre anver sa ser ti donn en bon temwannyaz dan sa vilaz?

• 

  Ki lefe sa lanmour ki kongregasyon ti demontre anver ser Myint ti annan lo son de fiy?

Ki fason pratik ou kapab demontre lentere anver bann ser dan ou kongregasyon?