Eski ou’n prepare pour fer fas avek bann dezord ki kapab annan dan pei?

Anmezir ki lafen sa lemonn i aprose, nou ekspekte ki dezord dan pei, latak teroris ek lager pou ogmante. (Re 6:4) Ki mannyer nou kapab prepar nou pour fer fas avek bann problenm ki pou arive a lavenir?

• Prepare spirityelman: Rod bann prensip ek legzanp dan Labib ki pour ranforsi ou konfyans dan Zeova ek son lorganizasyon e ki pour ed ou pour pa pran kote. (Pr 12:5; jr-E 125-126 ¶23-24) La i sa letan pour fer bann bon zanmi dan kongregasyon.​—1Pyr 4:7, 8

• Prepare fizikman: Si ou pa kapab kit ou lakour, fer sir ki ou annan ase manze, delo ek lezot keksoz ki ou pou bezwen. Fer en plan ki ou pou fer si ou bezwen kit ou lakour. Verifye dan ou sak ki ou’n prepare an ka dezas e azout bann keksoz parey legan, mask ek larzan. Fer sir ki ou annan kontak bann ansyen e ki zot osi zot annan ou kontak.​—Iza 32:2; g17.5-E 3-7

Letan i annan dezord dan pei, kontinyen fer ou bann aktivite spirityel. (Fil 1:10) Evite deplase si i pa neseser. (Mt 10:16) Partaz manze ek lezot keksoz.​—Ro 12:13.

GET SA VIDEO ESKI OU’N PREPAR OU POUR EN DEZAS? APRE REPONN SA BANN KESTYON SWIVAN:

• Ki mannyer Zeova i kapab ed nou letan i annan en dezas?

• Ki bann keksoz nou kapab fer pour prepar nou?

• Ki mannyer nou kapab ed lezot ki’n ganny afekte par en dezas?