BANN TREZOR DAN PAROL BONDYE

“Mon pou . . . pran ka avek li pour touzour”

Zeova ti swazir en tanp pour li (2Kr 7:11, 12)

Zeova ti dir ki i pou pran ka avek sa lakaz pour touzour. Sa i montre ki i ti vreman enterese pour konnen kwa ki pase dan tanp ki ti ganny konstrir pour son non (2Kr 7:16; w02-E 15/11 5 ¶1)

Si bann dimoun ti aret servi Zeova “avek tou zot leker,” Zeova ti pou les tanp ganny detrir (2Kr 6:14; 7:19-21; it-2-E 1077-1078)

Portre: Bann keksoz ki nou fer pour ador Zeova. 1. En frer pe priye. 2. En ser pe reponn dan en renyon kongregasyon. 3. En koup pe travay ansanm dan predikasyon. 4. En frer pe netway lasal Rwayonm. 5. En frer pe fer ladorasyon fanmir avek son madanm ek zot de zanfan. 6. En ser pe lir Labib. 7. En ser pe met kontribisyon dan bwat.

Zour linogirasyon tanp, bann dimoun ti krwar ki zot ti pou toultan kontinyen ador Zeova kot son tanp dan en bon fason. Malerezman, zot ti dousman dousman perdi zot devouman dan zot ladorasyon pour Zeova.

DEMANN OU LEKOR: ‘Ki mannyer mon montre ki mon pe vreman pran ka avek mon ladorasyon pour Zeova?’