Bondye i enterese avek ou
DAN Labib i annan bokou bon konsey pour nou akoz i sorti kot Bondye. I pa en liv medikal me i kapab ed nou dan bann fason pratik pour fer fas avek bann sityasyon ki fer nou enkyet, konfize, sagren, annan douler emosyonnel, douler fizik ek bann problenm mantal.
Sa ki pli enportan, Labib i asir nou ki nou Kreater, Bondye Zeova,a i konpran pli byen nou bann panse ek santiman plis ki okenn dimoun. I anvi ed nou pour fer fas avek nenport problenm ki nou rankontre. Par egzanp, annou vwar de verse Labib ki rekonfortan:
“Zeova i pros avek bann ki annan en leker brize, i sov bann ki dekouraze.”—PSONM 34:18.
“Mwan, Zeova ou Bondye, mon pe tyonbo ou lanmen drwat, sa Enn ki pe dir ou, ‘Pa bezwen per. Mon pou ed ou.’”—IZAI 41:13.
Me ki mannyer Zeova i ed nou pour fer fas avek nou bann problenm mantal? Dan sa bann lartik ki swiv, ou pou vwar ki mannyer Zeova i vreman enterese avek nou dan plizyer fason.
a Dapre Labib, Zeova i non Bondye.—Psonm 83:18.