Sa ki byen ek sa ki mal: En kestyon ki nou tou nou bezwen demande

Si ou anvi al en landrwa ki ou pa’n zanmen deza ale, ki ou pou fer?

1. 1. Al dan sa direksyon ki ou krwar ou devret ale.

2. 2. Swiv lezot akoz ou krwar zot konn sa semen.

3. 3. Servi en bon gid parey en GPS, en map oubyen en zanmi ki ou annan konfyans ladan e ki konn sa semen.

Si nou swazir premye oubyen dezyenm opsyon, nou pou ariv en landrwa me i pa neseserman kot nou anvi arive. Si nou swazir trwazyenm opsyon, nou kapab asire ki nou pou ariv dan sa landrwa kot nou anvi arive.

Nou lavi i parey en vwayaz, enn ki kapab anmenn nou ver en lavenir ere. Si nou ariv laba oubyen non i depan en kantite lo kote nou rod konsey ler nou pe fer bann desizyon.

Menm si laplipar desizyon ki nou fer i bann pti desizyon, serten desizyon i vreman enportan. Sa bann desizyon enportan i montre sa ki nou konsider konman byen ouswa mal. Sa bann desizyon pou afekte nou ek bann ki nou kontan pour en bon pe letan, ki swa i bon oubyen pa bon. Sa bann desizyon i enkli bann keksoz parey:

• Sèks ek maryaz

• Lonnekte, travay ek larzan

• Fason pour elve zanfan

• Fason pour tret lezot

Ki mannyer ou kapab konnen si ou bann desizyon konsernan sa bann keksoz pou fer ou ek ou fanmir annan en lavenir ere?

Kestyon ki nou tou nou bezwen demande i: Kwa ki kapab ed mwan pour fer bann bon desizyon konsernan kwa ki byen e kwa ki mal?

Sa magazin pou eksplike akoz nou kapab annan konfyans dan sa ki Labib i dir konsernan sa ki byen ek sa ki mal e ki mannyer Labib i kapab ed ou.