Aprann atraver bann portre

Dan nou bann piblikasyon i annan en kantite portre ki ansenny nou bann pwen enportan. Ki mannyer sa bann portre i kapab ed ou?

• Get sa bann portre avan ki ou lir sa lartik. Sa bann portre i kapab fer ou pli eksite e pli anvi lir sa lartik. Ler nou vwar en manze ki bon, sa i fer delo vini dan labous e nou anvi manz sa manze. Dan menm fason, ler nou get bann portre, sa i kapab fer nou anvi lir sa lartik. Alor demann ou lekor: ‘Ki mon vwar?’—Amos 7:7, 8.

• Anmezir ki ou lir sa lartik, reflesir lo akoz sa portre in ganny swazir. Si i annan leksplikasyon avek sa portre, lir sa leksplikasyon. Reflesir lo ki mannyer sa portre i relye avek sa topik ki pe ganny diskite e lo ki mannyer ou kapab aplik sa ki ou aprann lo sa portre.

• Apre ki ou’n fini lir sa lartik, get bann portre ankor e servi li pour ed ou mazin bann pwen prensipal sa lartik. Ferm ou lizye e esey rapel sa bann portre ek sa ki ou’n aprann avek sa bann portre.

• Petet ou kapab revwar bann portre dan sa magazin e vwar si ou rapel bann pwen enportan ki ou’n aprann.