Not anba lo paz

c Serten spesyalis Labib i dir ki sa bann zonm ti’n fer en ve konman en Nazireen. (Nonm 6:1-21) Sa kalite ve ti form parti dan Lalwa Moiz me zot ti nepli bezwen swiv sa Lalwa. Me kantmenm sa, Pol ti’n kapab mazinen ki i ti napa nanryen mal pour sa bann zonm akonpli en ve ki zot ti’n fer avek Zeova. Alor, i pa ti mal pour li pey zot depans e pour li al avek zot. Nou pa konnen egzakteman ki kalite ve zot ti fer, me Pol pa ti pou dakor pour ed zot si zot ti pe al ofer en sakrifis zannimo (parey bann Nazireen ti abitye fer), parski zot ti krwar ki sa ti pou fer zot pese ganny pardonnen. Vi ki Zezi ti’n sakrifye son lavi parfe, sa ti fer ki lezot sakrifis par egzanp sakrifis zannimo ki dimoun ti fer pour ki zot pese i ganny pardonnen, ti napa okenn valer. An tou ka, nou kapab asire ki Pol pa ti pou dakor pour fer en keksoz ki ti pou fatig son konsyans.