Not anba lo paz

c Ziz 7:9-14: “⁹ I ti arive ki pandan lannwit Zeova ti dir li: ‘Leve, al kot sa kan akoz mon’n donn li dan zot lanmen. ¹⁰ Me, si ou per pour desann, desann ansanm avek Poura ou serviter, al kot sa kan. ¹¹ E ou devret ekout sa ki mon pou dir, e apre sa ou lanmen pou vin for, e ou pou sirman ranport laviktwar lo sa kan.’ Deswit, zot de Poura son serviter ti desann e al kot kan lennmi. ¹² Aprezan, bann Madyanit, Amalekit ek bann zabitan Les ti’n zwenn ansanm dan laplenn, zot ti parey sotrel telman i ti annan en kantite zot, e zot ti annan en kantite samo parey gren disab lo lans. ¹³ Gideonn ti ale, e gete! I ti annan en zonm ki ti pe rakont son rev avek son kanmarad e i ti dir: ‘La sa ki mon’n reve. I ti annan en gato ron ki ti’n ganny fer avek lorz ki ti pe vire zanmen fini dan kan Madyann. Sa gato ti tap dan en latant, e sa latant ti devir latet anba e i ti tonbe aplat ater.’ ¹⁴ Son kanmarad ti reponn e dir: ‘Sa pa lot ki lepe Gideonn, garson Yoas, en Izraelit. Sa vre Bondye in donn Madyann ek son kan dan son lanmen.’”