Not anba lo paz

b Malaki 1:6-8, 12-13: “⁶ ‘Zeova bann larme in dir avek zot, bann pret ki ay mon non: “En garson i onor son papa, e en serviter i onor son gran met. Alor, si mon en papa pour zot, oli mon loner mwan? E si mon en Gran Met pour zot, oli lakrent pour mwan?” Zot in dir: “Dan ki fason nou’n mepriz ou non?” ⁷ “Parski zot in ofer bann sakrifis dipen kontaminen lo mon lotel.” E zot in dir: “Dan ki fason nou’n kontamin ou?” Par sa ki zot in dir: “Latab Zeova i en keksoz ki nou meprize.” ⁸ E kan zot prezant en zannimo aveg konman sakrifis, zot dir: “Napa nanryen mal avek sa.” E kan zot prezant en zannimo ki bwete e malad, zot dir: “Napa nanryen mal avek sa.” Zeova bann larme in dir: “Silvouple, anmenn li la kot ou gouverner. Eski i pou trouv faver dan ou e aksepte ou zantiman?”’” “¹² E Zeova bann larme in dir: ‘. . . ¹³ Pa zot in dir: “Gete! Pa i fatigan!” e zot in mepriz li. Zeova in dir: “E zot in anmenn en zannimo ki’n redi pardfors, enn ki bwete e enn ki malad; wi, zot in anmenn li konman lofrann. Eski mon kapab apresye sa ki sorti dan zot lanmen?”’”