Not anba lo paz
c Danyel 2:1, 19, 31-38: “1 Dan dezyenm lannen renny Neboukadnetsar, Neboukadnetsar ti rev bann rev e son latet ti konmans fatige e i pa ti kapab dormi.” “19 Apre sa, dan en vizyon pandan lannwit sa sekre ti ganny revele avek Danyel. An konsekans Danyel li menm ti beni Bondye lesyel.” “31 O lerwa ou ti pe obzerve e gete! en gran stati. Sa stati ki ti gran e ki ti briye dan en fason ekstraordiner, ti pe debout devan ou e son laparans ti fer per. 32 Konsernan sa stati, son latet ti ganny fer avek bon lor, son pwatrin avek son lebra ti annarzan, son vant ek son kwis ti an kwiv, 33 son lazanm ti an fer, son lipye en parti an fer ek en parti an larzil. 34 Ou ti kontinyen gete ziska en ros ti detase non pa par lanmen zonm e i ti tap sa stati lo son lipye fer ek larzil e kraz zot. 35 A sa moman fer, larzil, kwiv, larzan ek lor tou ti ganny kraze e i ti vin parey lapay ki ti disparet dan divan e i pa ti reste okenn tras. Kant a sa ros ki ti tap sa stati, i ti vin en gran montanny e i ti ranpli later antye. 36 ‘Sa i sa rev ek son lenterpretasyon ki nou pou dir lerwa. 37 O lerwa, lerwa bann lerwa, ou ki Bondye lesyel in donn rwayonm, pwisans, lafors ek dinyite. 38 I’n donn ou lotorite lo bann zannimo lakanpanny, bann zannimo ki anvole dan lesyel dan nenport ki landrwa ki bann garson zonm i reste e i’n fer ou sef lo zot tou, ou menm ou ki sa latet annor.’”