Not anba lo paz

b Eklezyast 2:8-11, 17: “⁸ Mon ti osi anmas lor ek larzan pour mwan menm, e bann propriyete ki zis lerwa ek ladministrater distrik ki annan. ⁹ Mon ti vin pli enportan e annan plis ki tou dimoun Zerizalenm. Deplis, mon prop lasazes ti reste pour mwan. ¹⁰ E tou sa ki mon lizye ti demande, mon ti satisfer li. Mon pa ti eparny mon leker okenn lakontantman, akoz mon leker ti zwaye an rezilta tou mon travay dir, e sa ti mon rekonpans pour tou mon travay dir. ¹¹ E mwan, mon ti get tou travay ki mon ti’n fer avek mon prop lanmen, e mon ti get bann gro travay ki mon ti’n transpire pour fer, e gete! tou ti anven konmsi mon ti pe tay deryer divan, e i ti napa nanryen dan mon lavantaz lo later.” “¹⁷ E mon ti ay lavi, akoz travay ki’n ganny fer lo later dapre mwan, ti en maler, akoz tou keksoz ti vanite e konmsi ou pe tay deryer divan.” 5:10-12: “¹⁰ En dimoun ki kontan larzan pa pou satisfe avek larzan, ni okenn dimoun ki kontan larises avek reveni. Sa osi i vanite. ¹¹ Kan bann bon keksoz i vin bokou, sa ki manz zot i sertennman vin bokou. Ki lavantaz i annan pour zot gran met, eksepte get zot avek son lizye? ¹² En serviter i fer en bon sonmey, ki swa i manz en ptigin oubyen bokou; me larises sa enn ki ris i anpes li dormi.”