Not anba lo paz

b Egzod 3:10-15: “¹⁰ Aprezan vini e les mwan anvoy ou kot Faraon, pour fer bann garson Izrael, mon pep, sorti Lezip. ¹¹ Me, Moiz ti dir avek sa vre Bondye: ‘Ki mwan, mon ete ki mon bezwen al kot Faraon e tir bann garson Izrael Lezip?’ ¹² Alors, i ti reponn: ‘Parski mon pou vreman avek ou, e sa i en siny pour ou ki mon’n anvoy ou: Apre ki ou’n tir sa pep Lezip, zot pou servi sa vre Bondye lo sa montanny.’ ¹³ Me Moiz ti dir avek sa vre Bondye: ‘Sipoze mon’n ariv kot bann garson Izrael e mon dir zot: “Bondye zot zanset in anvoy mwan kot zot,” e zot dir mwan, “Ki mannyer i apele?” Ki mon pou dir zot?’ ¹⁴ Alor, Bondye ti dir avek Moiz: ‘MON POU VIN SA KI MON OULE VINI.’ I ti azoute: ‘La sa ki ou pou dir bann garson Izrael, “SA KI MON OULE VINI in anvoy mwan kot zot.”’ ¹⁵ Ankor enn fwa Bondye ti dir avek Moiz: ‘Dir bann garson Izrael, “Zeova Bondye zot zanset, Bondye Abraam, Bondye Izaak ek Bondye Zakob, in anvoy mwan kot zot.” Sa i mon non pour en letan endefini, e sa i mon memoryal pour zenerasyon apre zenerasyon.’”