Not anba lo paz
a Danyel 2:41-45: “41 Parey ou ti vwar ki lipye ek ledwa lipye ti en parti an larzil ki en potye i servi e en parti an fer, sa rwayonm li menm pou divize, me i pou annan kantmenm en pe lafors fer ladan akoz parey ou’n vwar i ti annan fer melanze avek larzil mouye. 42 Kant a bann ledwa lipye ki ti en parti an fer e en parti an larzil mouye, sa rwayonm pou en parti for e en parti frazil. 43 Parey ou ti vwar ki fer ti melanze avek larzil mouye, zot pou melanze avek bann desandans imen me zot pa pou atase avek kanmarad, sa enn avek sa lot, zis parey fer pa pe melanze avek larzil. 44 Dan bann zour sa bann lerwa, Bondye lesyel pou etabli en rwayonm ki pa pou zanmen ganny detrir. Sa rwayonm li menm pa pou pas avek okenn lezot pep. I pou kraz e met en lafen avek tou sa bann rwayonm e li menm i pou dire pour en letan endefini. 45 Lefet ki ou ti vwar en ros detase avek sa montanny non pa par lanmen zonm e i ti kraz sa fer, kwiv, larzil, larzan ek lor. Bondye li menm in fer konnen lerwa sa ki pou arive apre sa. Sa rev i vre e son enterpretasyon i diny konfyans.”