Not anba lo paz

a Neemya 13:4-9: “⁴ Avan sa, pret Eliasib ki ti ansarz en lasal a manze dan lakaz nou Bondye ti fanmir avek Tobya; ⁵ e i ti deside fer en gran lasal a manze pour li, kot oparavan zot ti pe regilyerman met lofrann lagrenn, lansan blan, bann lekipman, en dizyenm bann lagrenn, nouvo diven e delwil ki bann Levit, santer ek gardyen baro ti annan drwa gannyen ek kontribisyon pour bann pret. ⁶ Pandan tou sa letan, mon pa ti Zerizalenm akoz dan tranndezyenm lannen lerwa Babilonn Artakzerses mon ti’n vin kot lerwa, me apre en serten letan mon ti demann lerwa konze. ⁷ Alor mon ti vin Zerizalenm e mon ti vwar kantite ditor ki Eliasib ti’n fer akoz Tobya, par fer en lasal pour li dan lakour lakaz sa vre Bondye. ⁸ E pour mwan sa ti vreman mal. Alor mon ti zet tou bann meb ki ti dan lakaz Tobya an deor sa lasal a manze. ⁹ Apre sa mon ti donn lord e zot ti pirifye bann lasal a manze; e mon ti remet bann lekipman dan lakaz vre Bondye, ansanm avek bann lofrann lagrenn ek lansan blan.”