Not anba lo paz

d Neemya 13:23-27: “²³ Osi, dan sa letan mon ti vwar bann Zwif ki ti’n donn landrwa reste zot bann madanm Asdodit, Amonit ek Moabit. ²⁴ E tandis ki zot bann garson, lanmwatye ti koz langaz Asdodit e i ti napa personn parmi zot ki ti konn koz langaz Zwif, me zot tou zot ti koz langaz diferan pep. ²⁵ Alor mon ti konmans vwar fot avek zot e mon ti apel lemal lo zot e mon ti tap serten zonm parmi zot e aras zot seve e apre mon ti fer zot fer serman par Bondye: ‘Zot pa devret donn zot bann fiy avek zot bann garson, e zot pa devret aksepte okenn zot bann fiy pour zot bann garson oubyen pour zot menm. ²⁶ Eski pa akoz sa bann keksoz ki Salomon lerwa Izrael ti fer pese? Parmi sa kantite nasyon i ti napa en lerwa parey li; e vi ki son Bondye ti kontan li, i ti fer li vin lerwa Izrael antye. Ziska li, bann madanm etranze ti fer li fer pese. ²⁷ Eski sa pa i en keksoz ki zot in tande, ki zot in komet sa gran keksoz mal e azir dan en fason enfidel anver nou Bondye par donn en landrwa reste bann madanm etranze?’”