Not anba lo paz

a Eklezyast 12:1-7: “Alor, mazin ou Gran Kreater letan ou ankor zenn, avan ki bann zour difisil i konmanse e bann lannen i arive kot ou pou dir: ‘Mon napa gou pour viv,’ ² avan ki soley, lalimyer, lalin ek zetwal i vin fernwanr e bann nyaz i retournen, apre en gro lapli, ³ sa zour kan bann gardyen lakaz pou tranble, bann zonm for pou kourbe, bann madanm in aret travay lo moulen akoz napa bokou zot e bann madanm ki pe get par lafnet i vwar ki i fernwanr, ⁴ e bann laport dan semen in fermen, kan apenn si ou tann tapaz moulen e kan en dimoun i sote dan son sonmey akoz tapaz zwazo e lavwa tou bann fiy ki sante i dousman. ⁵ Deplis, sa dimoun i konmans annan lafreyer dan bann landrwa o e i annan bann keksoz efreyan lo semen. Pye almonn pe fleri e bann sotrel pe trenn trennen e bann fri pye kap i pete, akoz zonm pe al dan son lakaz permanan e bann ki dan dey pe marse dan semen, ⁶ avan ki sa lakord an larzan i ganny retire e bol annor i ganny kraze e avan ki seo avek lakord o bor sours delo i ganny kase e avan ki bann larou ki vir avek lafors delo sorti kot pwi i ganny kraze. ⁷ Apre lapousyer i retourn dan later parey i ti ete avan e lespri i retourn kot sa vre Bondye ki ti donn li.”