Kantik 14
Tou keksoz nouvo
1. Bann siny prouve ki Rwayonm in enstale.
Lo tronn, Garson Bondye pe asize.
O syel i’n ganny laviktwar dan lager;
Byento tou pou soumet li lo later.
(REFREN)
Latant Bondye in enstale.
Parmi imen, i pe reste.
Pou napa ni soufrans, ni plere,
Ni sagren, ni lanmor, ni regre;
‘Tou pou vin nef,’ Bondye in deklare.
En promes fidel e vre.
2. Nouvo Zerizalenm, zonm i admir ou,
Nouvel marye Kris, lalimyer pour tou.
Avek bann pyer presye in ganny kouver.
Zis Zeova ki pou son lalimyer.
(REFREN)
Latant Bondye in enstale.
Parmi imen, i pe reste.
Pou napa ni soufrans, ni plere,
Ni sagren, ni lanmor, ni regre;
‘Tou pou vin nef,’ Bondye in deklare.
En promes fidel e vre.
3. Sa zoli lavil, en mervey pour imen.
Tou son baro pa pou zanmen fermen.
Lo tou nasyon, son laglwar pou briye;
Annou reflekte lalimyer Bondye.
(REFREN)
Latant Bondye in enstale.
Parmi imen, i pe reste.
Pou napa ni soufrans, ni plere,
Ni sagren, ni lanmor, ni regre;
‘Tou pou vin nef,’ Bondye in deklare.
En promes fidel e vre.
(Vwar osi Mat. 16:3; Rev. 12:7-9; 21:23-25.)