Konmans Letid Labib devan Laport e par Telefonn

1, 2. Ki mannyer nou kapab adapte nou progranm letid Labib pour ed bann dimoun ki okipe?

¹ Ozordi dimoun i okipe. Me bokou i enterese avek bann keksoz spirityel. Ki mannyer nou kapab ed zot pour satisfer zot bezwen spirityel? (Mat. 5:3) Bokou proklanmater i kapab fer letid Labib avek bann dimoun devan zot laport oubyen par telefonn. Eski ou kapab elarzi ou minister dan sa fason?

² Pour konmans bann letid Labib, nou bezwen prepare pour montre konman fer en letid Labib ler i annan en loportinite. Konman e kote sa i kapab ganny fer?

3. Akoz montre konman fer en letid Labib lo premye vizit, e konman sa i kapab ganny fer?

³ Devan Laport: Ler ou zwenn en dimoun ki pare pour koz lo Labib, senpleman al lo en paragraf ki ou’n prepare davans, tel parey premye paragraf dan leson 1 dan brosir Ekspekte, e konmanse. Lir sa paragraf, egzamin sa kestyon, e diskit enn oubyen de verse Labib ki’n ganny mete konman referans. Souvan sa i kapab ganny fer lanmenm devan laport dan senk a dis minit. Si sa dimoun i kontan sa diskisyon, fer laranzman pour egzamin sa lot oubyen de paragraf en lot ler.—Lezot sizesyon lo konman servi lapros direk pour konmans bann letid Labib i ganny trouve dan Nou Minister Rwayonm Zanvye 2002, p. 6.

4. Ki mannyer nou kapab konmans en letid Labib devan laport ler nou pe fer retourn vizit?

⁴ Menm lapros i kapab ganny servi pour konmans bann letid Labib ler pe fer retourn vizit. Par egzanp, ou kapab entrodwir brosir Ekspekte e montre non Bondye, par servi leson 2, dan paragraf 1-2. Lo prosenn vizit, ou kapab diskit sa ki Labib i dir lo bann kalite Zeova, par servi paragraf 3-4. Pour prosenn diskisyon, ou kapab egzamin paragraf 5-6 ek portre lo paz 5 pour fer resorti konman en letid Labib i ed nou konn Zeova. Tousala i kapab ganny fer ler pe debout devan laport.

5, 6. (a) Akoz serten dimoun i prefere etidye Labib par telefonn? (b) Ki lapros nou kapab servi ler nou pe ofer pour fer letid par telefonn?

⁵ Par Telefonn: Serten dimoun i kapab pli pare pour etidye Labib par telefonn ki an personn. Annou vwar sa legzanp: Ler en ser ti pe pres port-an-port, i ti zwenn en zenn manman ki son travay i pran en kantite son letan. Sa ser pa ti kapab rezwenn li kot son lakour ankor, alor i ti deside telefonn li. Sa madanm ti eksplike ki i vreman napa letan pour diskit lo Labib. Sa ser ti dir li: “Dan 10 a 15 minit, ou kapab aprann en nouvo keksoz, menm par telefonn.” Sa madanm ti reponn: “Bon, si par telefonn, alor mon dakor!” Pa bokou letan, en letid regilye ti pe ganny fer lo telefonn.

⁶ Eski serten dimoun ki ou vizite i kapab anvi etidye par telefonn? Ou kapab sey sa lapros ki’n fek ganny dekrir, oubyen ou kapab zis dir: “Si ou anvi, nou kapab diskit lo Labib par telefonn. Eski sa i pou pli apropriye pour ou?” Par adapte nou progranm letid Labib avek sitiasyon lezot, nou kapab ed zot “trouv konnesans Bondye.”—Prov. 2:5; 1 Kor. 9:23.

Ki pour dir lo bann Magazin

Awake! 22 Zil.

“I fer lapenn pour vwar soufrans ki bann dezas natirel i anmennen. [Mansyonn en legzanp lokal.] Eski ou krwar sa bann dezas pe ogmante? [Les sa dimoun reponn.] Sa magazin i egzamin sa kestyon. I osi donn rekonfor bann ki’n perdi en dimoun dan sa bann maler.” Lir Zan 5:28, 29.

Latour Veyer 1 Out

“Bokou dimoun ozordi i lager avek bann santiman ki zot pa vo nanryen. Ki ou krwar i kapab ganny fer pour ed zot? [Les sa dimoun reponn.] Sa magazin i diskite konman Labib i kapab ed bann dimoun ki dan sa sitiasyon trouv vre lazwa.” Fer resorti bann verse Labib ki an italik e an gro lekritir nwanr dan sa lartik, “Labib i kapab ed ou trouv Lazwa.”

Awake! 8 Out

“Bokou dimoun pe viv dan lafreyer. Kwa ki fer sa, dapre ou? [Les sa dimoun reponn.] Sa magazin i ofer bann sizesyon pratik pour protez nou lekor kont bann danze dan lavi toulezour. I osi diskit promes Labib konsernan en lemonn kot pou napa lafreyer.” Lir Izai 11:9.

The Watchtower 15 Out

“Ler lanmor i arive, bokou dimoun i demann zot lekor ki i arive apre lanmor. Eski ou krwar i posib pour konpran lanmor? [Les sa dimoun reponn.] Sa magazin i eksplike ki Labib i dir konsernan kondisyon bann dimoun mor. I osi diskit promes Bondye pour resisit bann mor.” Lir 1 Korentyen 15:26.