Trwazyenm Parti—Kondwir bann Letid Labib ki progrese

Servi byen bann Verse Labib

1. Akoz nou devret met lanfaz lo bann verse ler nou pe kondwir bann letid Labib?

¹ Nou bi pour kondwir bann letid Labib se pour ‘fer disip.’ Nou fer sa par ed dimoun konpran e aksepte lansennyman Parol Bondye e aplik li dan zot lavi. (Mat. 28:19, 20; 1 Tesa. 2:13) Alors, letid i devret baze lo Labib. Premyerman, i kapab itil pour montre bann etidyan konman pour rod serten verse dan zot prop Labib. Me ki mannyer nou kapab servi bann verse Labib pour ed sa bann etidyan progrese spirityelman?

2. Ki mannyer nou swazir bann verse Labib ki nou pou lir e diskite?

² Swazir bann Verse pour lir: Ler ou pe prepare, rode konman sak verse Labib ki’n ganny mansyonnen dan sa leson i aplik avek sa pwen ki pe ganny egzaminen, e swazir lekel ki ou pou gete e diskite pandan letid. Normalman, i byen pour lir bann verse ki montre rezon biblik pour nou krwayans. Bann verse ki donn bann lenformasyon siplemanter i kapab pa neseser pour lir. Pran an konsiderasyon bezwen ek sitiasyon sak etidyan.

3. Ki byenfe i annan ler nou servi kestyon, e ki mannyer nou kapab fer sa?

³ Servi Kestyon: Olye eksplik bann verse Labib avek sa etidyan, fer li eksplik ou sa bann verse. Ou kapab ed li pour fer sa par byen servi bann kestyon. Si laplikasyon en verse i kler, ou kapab zis demande konman sa verse i siport sa ki’n ganny dir dan paragraf. Dan lezot ka, petet ou bezwen demann en kestyon pli spesifik oubyen en seri kestyon pour fer sa etidyan tir sa bon konklizyon. Si i neseser donn plis leksplikasyon, sa i kapab ganny fer apre ki sa etidyan in reponn.

4. Ki kantite leksplikasyon ki neseser pour bann verse ki nou lir?

⁴ Gard li senp: En dimoun ki anvoy dart byen pou souvannfwa bezwen zis en dart pour li tap son target. Pareyman, en bon ansennyan pa bezwen dir bokou keksoz pour fer resorti en pwen. I kapab transmet lenformasyon dan en fason senp, kler, e egzakt. Parler, i kapab ki ou pou bezwen fer resers dan bann piblikasyon Kretyen pour konpran en verse e eksplik li korekteman. (2 Tim. 2:15) Me evite sey eksplik tou keksoz dan sak verse dan letid. Enplik zis sa ki neseser pour fer resorti sa pwen ki pe ganny egzaminen.

5, 6. Ki mannyer nou kapab ed bann etidyan pour aplik Parol Bondye dan zot lavi, me ki nou devret evite?

⁵ Fer Laplikasyon pratik: Ler i apropriye, ed sa etidyan vwar konman bann verse Labib i aplik pour li personnelman. Par egzanp, ler pe egzamin Ebre 10:24, 25 avek en etidyan ki pa ankor asiste renyon, ou kapab koz lo enn sa bann renyon e envit li pour asiste. Me evite met presyon lo li. Les Parol Bondye motiv li pour fer sa ki neseser pour fer plezir Zeova.—Ebr. 4:12.

⁶ Anmezir ki nou akonpli sa lord pour fer disip, annou byen servi bann verse Labib pour ed lezot pour obeir par lafwa.—Rom. 16:26.

Ki pour dir lo bann Magazin

Awake! 22 Okt.

“Bokou dimoun i vwar lenportans pour elve bann zanfan depi ki zot ankor pti. Eski ou vwar sa i neseser ozordi? [Les sa dimoun reponn. Apre lir Proverb 22:6.] Sa magazin i diskit bann keksoz spesifik ki bann paran i kapab fer pour ed zot zanfan vin bann adilt onnet e ki reisi dan lavi.”

Latour Veyer 1 Nov.

“Bokou dimoun pa krwar ki bann dirizan imen i kapab rezourd bann problenm ozordi. Eski ou krwar i annan okenn dimoun ki kapab fer sa ki’n ganny predir dan sa bann verse? [Lir Psonm 72:7, 12, 16. Apre les sa dimoun reponn.] Sa magazin i eksplike lekel sa dirizan e ki i pou fer.”

Awake! 8 Nov.

“Eski pa ou pou dakor ki bann zanfan i bezwen gidans pour reziste bann presyon ki zot rankontre ozordi? [Les sa dimoun reponn. Apre lir Efezyen 6:4.] Sa magazin i egzamin vre sinifikasyon disiplin. I osi diskite konman paran i kapab gid e koriz zot zanfan san dekouraz zot.”

The Watchtower 15 Nov.

“Laplipar dimoun i anvi en bon lasante e viv pli lontan. Me si i ti posib, eski ou ti pou kontan viv pour touzour? [Les sa dimoun reponn. Apre lir Zan 17:2, 3.] Sa magazin i diskit promes Bondye pour lavi eternel. I osi egzaminen ki mannyer lavi pou ete ler sa promes i vin vre.”