PARTI 8
Ki lanmor Zezi i vedir pour ou?
Zezi ti mor pour ki nou kapab viv. Zan 3:16
Trwa zour apre ki Zezi ti mor, detrwa madanm ti al kot son latonm e dekouver ki i ti vid. Zeova ti’n redonn Zezi lavi.
Plitar, Zezi ti aparet avek son bann zapot.
Wi, Zeova ti’n resisit Zezi konman en lespri pwisan e imortel. Bann disip Zezi ti vwar li letan i ti mont dan lesyel.
Bondye ti resisit Zezi e fer li vin Lerwa Rwayonm Bondye. Danyel 7:13, 14
Zezi ti donn son lavi konman ranson pour limanite. (Matye 20:28) Atraver sa ranson, Bondye in fer li posib pour nou viv pour touzour.
Zeova in apwent Zezi konman Lerwa dan lesyel pour diriz lo later. Ansanm avek li, i pou annan 144,000 imen fidel ki ganny resisite pour al viv dan lesyel. Zezi ek sa 144,000 i form Rwayonm Bondye, sa gouvernman drwat ki dan lesyel.—Revelasyon 14:1-3.
Rwayonm Bondye pou fer later vin en paradi. Lager, krim, lapovrete ek lafamin pou nepli egziste. Bann dimoun pou vreman ere.—Psonm 145:16.