Bann standar Rwayonm Bondye​—Rod ladrwatir Bondye

ANMEZIR ou pase, ou fer salanm ou vwazen. Tou dernyenman ou’n remarke ki i pe obzerv ou ek ou fanmir. I fer ou salanm e i kriy ou. I dir: “Eski mon kapab demann ou en kestyon? Kwa ki fer zot diferan?” An repons, ou demann li: “Ki ou pe sey dir?” Alor i dir, “Be, zot Temwen Zeova zot non? Zot pa parey lezot dimoun. Zot pa parey lezot larelizyon, zot pa selebre bann lafet e zot pa partisip dan politik ek lager. Napa enn parmi zot ki fimen. Zot fanmir i paret annan en standar moral tre o nivo. Kwa ki fer zot diferan dan sitan kantite fason?”

Ou konnen ki i annan en sel larepons: Nou pe ganny dirize par Rwayonm Bondye. Konman nou Lerwa, Zezi i touzour pe rafin nou. I pe ed nou swiv son legzanp pour ki nou diferan avek sa move lemonn. Dan sa seksyon, nou pou vwar ki mannyer Lerwa Rwayonm Bondye in rafin pep Bondye spirityelman, moralman e konman en lorganizasyon. Tousala pour laglwar Zeova.