PWEN 7

Egzakt e konvenkan

Lik 1:3

KI OU BEZWEN FER: Servi bann lenformasyon ki egzakt e diny konfyans pour ed lodyans ariv lo sa bon konklizyon.

Rod e servi bann referans oubyen lenformasyon ki egzakt. Baz sa ki ou dir lo Parol Bondye e ler i posib, lir direkteman dan Labib. Si ou pe koz lo en keksoz syantifik, lo en nouvel, en leksperyans oubyen en lot levidans, verifye davans pour fer sir ki i azour e egzakt.
Servi byen ou lenformasyon. Eksplik bann verse Labib dapre zot konteks e an armoni avek sa ki larestan Labib i dir ek bann piblikasyon “lesklav fidel e pridan.” (Mat. 24:45) Ler ou pe sit serten lenformasyon dan lezot piblikasyon, fer sir ki ou pa sanz son konteks oubyen dir en lot keksoz ki sa ekriven pa ti pe dir.

Fer sir ki ou pa egzazere ler ou pe servi bann statistik oubyen koz lo en sitasyon. Par egzanp, fer atansyon ki “serten dimoun” pa vin “laplipar dimoun,” “parfwa” pa vin “toultan” e “sa ki ti’n kapab arive” pa vin “tre probab in arive.”
Servi ou lenformasyon pour rezonn avek ou lodyans. Apre ki ou’n lir en verse Labib oubyen sit en referans, avek bon zizman demann kestyon oubyen donn en legzanp pour eksplik ou pwen e ed ou lodyans tir zot prop konklizyon.