Ki mannyer ou kapab benefisye avek sa bann leson lo Labib
Etidye avek en ansenyan: Demann en letid Labib avek sa dimoun ki’n donn ou sa liv oubyen ranpli en demann lo nou sit Enternet, jw.org.
PREMYE PARTI EN LESON
Lir sak paragraf, enkli bann kestyon dan gro lekritir nwanr (A) ek bann verse Labib (B) ki met lanfaz lo bann pwen prensipal. Remark sa mansyon “lir” pour serten verse Labib.
DAN MILYE EN LESON
Dan Al pli o profon, sa ki’n ganny ekrir o konmansman (C), i eksplik bann nide ki pou ganny egzaminen. Bann soutit (D) i entrodwi bann pwen prensipal. Lir bann verse Labib, reponn bann kestyon e get bann video (E).
Egzamin bann portre ek zot not (F) e reflesi lo ki mannyer ou ti pou reponn sa ki Serten dimoun i dir (G).
DERNYEN PARTI EN LESON
Sak leson i fini avek Rezimen e Revizyon (H). Ekri dat ki ou’n fini sa leson. Ou ganny keksoz pour travay lo la par anba Lobzektif (I). Dan Fer plis resers (J) ou pou trouv bann lezot lenformasyon pour lir oubyen bann video pour gete.
Ki mannyer pour trouv bann verse Labib
Bann verse Labib i ganny endike par non sa liv Labib (A), son sapit (B) ek son verse oubyen bann verse (C). En legzanp, Zan 17:3 pe refer avek liv Zan, sapit 17, verse 3.