En liv ki ankor pe ganny servi

Annou vwar par egzanp, sa ki serten dimoun i dir lo ki mannyer Labib in ed zot personnelman ler zot in lir e aplik son bann konsey dan zot lavi.

“Mon lavi i pli meyer. Mon pli byen mantalman e emosyonnelman. Mon santi mwan pli ere.”​—Fiona.

“Ler mon’n etidye Labib, mon’n trouv en vre bi dan lavi.”​—Gnitko.

“Mon lavi in sanze e in vin pli meyer. Aprezan mon travay mwens e mon annan plis letan pour pas avek mon fanmir.”​—Andrew.

I annan en kantite leksperyans koumsa. Bokou dimoun partou dan lemonn in vwar ki Labib i annan bann bon konsey ki kapab ede dan lavi toulezour.

Annou vwar ki mannyer Labib i kapab ed en dimoun lo kote:

• Lasante fizik

• Lemosyon

• Lavi fanmir e lanmitye avek lezot

• Ki mannyer pour servi byen larzan

• Spirityalite

Sa lartik pou montre ki mannyer Labib pa zis en liv sakre me en liv ki sorti kot Bondye e ki i kapab ed nou dan lavi toulezour.