Ki Labib i dir?

Eski nou pe viv dan “bann dernyen zour”?

Ki ou pou dir?

• Wi

• Non

• Petet

Ki Labib i dir

“Bann dernyen zour pou en letan vreman difisil.” (2 Timote 3:1) Bann profesi dan Labib ansanm avek bann levennman ki pe arive, i montre ki nou pe viv dan “bann dernyen zour.”

Kwa ankor ki nou aprann dan Labib?

• Dan bann dernyen zour i pou annan lager, lafamin, tranblemandter ek lepidemi.​—Matye 24:3, 7; Lik 21:11.

• Pandan bann dernyen zour bann standar moral pou desann e bann dimoun pou napa respe pour Bondye.​—2 Timote 3:2-5.

Ki pou arive avek bann imen dan lavenir?

Serten dimoun i krwar . . . ki dan bann dernyen zour later ek tou sa ki lo la pou ganny detrir konpletman. Tandis ki lezot i annan lespwar ki zot pou annan en lavenir pli meyer. Ki ou panse?

Ki Labib i dir

“Bann dimoun drwat pou ganny later e zot pou reste lo la pour touzour.”​—Psonm 37:29, NWT.

Kwa ankor ki nou aprann dan Labib?

• Bann dernyen zour pou fini ler tou move dimoun pou’n ganny detrir.​—1 Zan 2:17.

• Later pou vin en paradi.​—Izai 35:1, 6.