Revizyon Lekol Minister Teokratik

Sa bann kestyon revizyon pou ganny egzaminen dan Lekol Minister Teokratik pandan semenn le 27 Desanm 2010. Sirveyan lekol pou kondwir en revizyon 20 minit baze lo lenformasyon ki’n ganny trete dan bann ekspoze depi semenn le 1 Novanm ziska le 27 Desanm 2010.

1. Ki nou kapab aprann atraver sa bann parol dan sa sanson ki bann Levit ti sante dan 1 Kronik 16:34 pour loue Zeova? [w02-SC 1/2 p. 9 par. 6-7; w02-E 15/1 p. 11 par. 6-7]

2. Dapre 1 Kronik 22:8, lefet ki Zeova pa ti oule David konstrir Son lakaz, eski sa i vedir ki i ti mal pour li lager? Eksplike. [it-2-E p. 987 par. 1; it-2-F p. 869 par. 11]

3. Ki santiman Lerwa David ti anvi son garson Salomon i annan pour Bondye? (1 Kron. 28:9) [w08-SC 1/10 p. 11 par. 18; w08-E 15/10 p. 7 par. 18]

4. Akoz i ti apropriye pour servi bann toro konman en reprezantasyon pour siport sa gran basen? (2 Kron. 4:2-4) [w06-SC 1/1 p. 15 par. 3; w05-E 1/12 p. 19 par. 3; w98-E 15/6 p. 16 par. 17]

5. Eski i ti annan zis sa de plak ros dan lars lalyans, oubyen i ti annan lezot keksoz ankor? (2 Kron. 5:10) [w06-SC 1/2 p. 27; w06-E 15/1 p. 31]

6. Ki Salomon ti oule dir ler i ti demann Zeova pour ekout siplikasyon nenport dimoun ki ti pou “priy ver sa lakaz”? (2 Kron. 6:21, 32, 33) [it-1-E p. 137 par. 1; it-1-F p. 36 par. 5]

7. Ki sa lekspresyon “lalyans disel” dan 2 Kronik 13:5 i vedir? [w06-SC 1/1 p. 16 par. 2; w05-E 1/12 p. 20 par. 2; it-2-E p. 842 par. 7; it-2-F p. 921 par. 5]

8. Ki mannyer nou kapab met an pratik 2 Kronik 17:9, 10 dan nou minister? [w09-SC 1/6 p. 17 par. 7; w09-E 15/6 p. 12 par. 7]

9. Ki mannyer pep Bondye ozordi pou azir an armoni avek 2 Kronik 20:17? [w03-SC 1/6 p. 31-32 par. 14-17; w03-E 1/6 p. 21-22 par. 14-17]

10. Ki leson nou kapab aprann atraver sa resi lo Lerwa Ouziya ler i ti azir avek lorgey? (2 Kron. 26:15-21) [w99-E 1/12 p. 26 par. 1-2]