A Kiseh Pasalte Tungah Na Lungdamna Lak In

1. Jesuh’ hong piak letsong pawlkhat in bang ahiam?

ယေရှု​လောက် ရက်ရောတဲ့​လူ မရှိဘူး။ မြေကြီးပေါ် ရှိစဉ် လူတွေကို ကူညီပေးဖို့ အံ့ဖွယ်​တန်ခိုး မတွန့်မတို သုံးခဲ့တယ်။ (လု. ၉:၁၂-၁၇) အသက်စွန့်ခြင်းအားဖြင့် အကြီးမြတ်ဆုံး လက်ဆောင် ပေးခဲ့တယ်။ (ယော. ၁၅:၁၃) ရှင်ပြန်ထမြောက်ပြီးနောက်​မှာ​လည်း ဆက်​ရက်ရော​နေတုန်းပဲ။ ကျွန်တော်တို့ကို သွန်သင်ပေး​မယ့်၊ နှစ်သိမ့်​ပေးမယ့် သန့်ရှင်းသော စွမ်းအားတော်ကို ယေဟောဝါ​ဘုရားဆီကနေ တောင်းပေးမယ်​လို့ ကတိ​ပေးခဲ့တဲ့​အတိုင်း တောင်း​ပေးနေတယ်။ (ယော. ၁၄:၁၆၊ ၁၇၊ အောက်ခြေမှတ်ချက်။ ၁၆:၁၃) ကမ္ဘာတစ်ဝန်းမှာ လူတွေကို တပည့်​ဖြစ်စေ​နိုင်ဖို့ အသင်းတော် အစည်းအဝေးတွေ​ကတစ်ဆင့် ကျွန်တော်တို့ လိုအပ်တာတွေ ဆက်​ပြင်ဆင်​ပေးနေတယ်။—မ. ၂၈:၁၈-၂၀။

2. Efesa 4:7, 8 ah a kigen ‘letsongin’ Jesuh hong piakte lakah kuate kihel uh a hiam?

^၂ ရက်ရော​ကြောင်း နောက်တစ်နည်းနဲ့လည်း ယေရှု ပြတယ်။ ယေရှု ကောင်းကင်​တက်သွားပြီးနောက် “လူတွေကို လက်ဆောင်​အဖြစ် ပြန်ပေးတယ်” လို့ တမန်တော် ပေါလု ပြောတယ်။ (ဧဖက် ၄:၇၊ ၈ ကို ဖတ်ပါ။) အသင်းတော်ကို နည်း​မျိုးစုံ​နဲ့ ထောက်မဖို့ ပေးတာ​ပါ။ (ဧ. ၁:၂၂၊ ၂၃။ ၄:၁၁-၁၃) ဒီနေ့ခေတ်မှာ “လက်ဆောင်​အဖြစ်” ယေရှု ပေးထားသူ​တွေ​ထဲ​မှာ အသင်းတော် အမှုထမ်းတွေ၊ အကြီးအကဲတွေ၊ တိုက်နယ်ကြီးကြပ်မှူးတွေ ပါတယ်။a မစုံလင်သူတွေ ဖြစ်လို့ သူတို့ မှားတတ်ကြတယ်။ (ယာ. ၃:၂) ဒါပေမဲ့ ကျွန်တော်တို့ကို ကူညီပေးဖို့ သူတို့ကို သခင် ယေရှုခရစ် သုံး​နေတယ်။

3. A kiseh pasalte’ nasep bangci panpih thei i hiam? Gentehna pia in.

^၃ အသင်းတော်ကို တည်ဆောက်ဖို့ ခန့်အပ်ခံ အမျိုးသားတွေကို ယေရှု တာဝန်​ပေးထားတယ်။ (ဧ. ၄:၁၂) ဒီအရေးကြီး​တာဝန်ကို သူတို့ ကျေပွန်နိုင်ဖို့ ကျွန်တော်တို့​အားလုံး ဝိုင်း​ထောက်မနိုင်တယ်။ ဒါကို အစည်းအဝေး​ခန်းမ ဆောက်လုပ်ရေး​နဲ့ နှိုင်းယှဉ်​နိုင်တယ်။ တချို့က ဆောက်တယ်။ တချို့က ဆောက်လုပ်ရေး ညီအစ်ကို/မတွေကို ထောက်မ​တဲ့​အနေနဲ့ အစားအသောက် ပြင်ဆင်​ပေးတယ်။ အစားအသောက်တွေ၊ ပစ္စည်းတွေ သယ်ပို့ပေး​တယ်။ တခြား​လုပ်ပေး​စ​ရာ ရှိတာ​တွေ လုပ်ပေးတယ်။ အဲဒီလိုပဲ အသင်းတော်ကို တည်ဆောက်​ပေးနေတဲ့ အသင်းတော် အမှုထမ်းတွေ၊ အကြီးအကဲတွေ၊ တိုက်နယ်ကြီးကြပ်မှူးတွေကို အပြောအဆို၊ လုပ်ရပ်​အားဖြင့် ကျွန်တော်တို့​အားလုံး ထောက်မနိုင်တယ်။ သူတို့​ကြောင့် ကျွန်တော်တို့ ဘယ်လို အကျိုးရနေသလဲ။ သူတို့နဲ့ သူတို့ကို “လက်ဆောင်​အဖြစ်” ပေးထားတဲ့ ယေရှုကို ကျေးဇူးတင်လေးမြတ်ကြောင်း ဘယ်လို ပြနိုင်သလဲ။

‘MIDANGTE A HUH’ PAWLPI NASEMTE

4. Kum zalom masa lai-a pawlpi nasemte ii ‘midangte a huh’ dan pawlkhat in bang ahiam?

^၄ ပထမရာစုမှာ အသင်းတော် အမှုထမ်းအဖြစ် ညီအစ်ကို​တချို့ ခန့်အပ်ခံရတယ်။ (၁ တိ. ၃:၈) ပေါလု ပြောတဲ့ “ထောက်ပံ့​မစသူ” ဆိုတာ အသင်းတော် အမှုထမ်းတွေ ဖြစ်ပုံရတယ်။ (၁ ကော. ၁၂:၂၈) သွန်သင်ခြင်း၊ သိုးထိန်းခြင်း​လုပ်ငန်းကို အကြီးအကဲတွေ အာရုံစိုက်နိုင်​ဖို့ တခြား​အရေးကြီး ကိစ္စ​အဝဝ​ကို သူတို့ ဆောင်ရွက်ပေး​ကြ​ပုံ​ပဲ။ ဥပမာ၊ ကျမ်းစောင်တွေ ကူးရေးဖို့ ကူညီပေးတာ၊ ကူးရေး​ရာ​မှာ လိုအပ်တဲ့ ပစ္စည်းတွေ ဝယ်ခြမ်း​ပေးတာ ဖြစ်နိုင်တယ်။

5. Tu huna pawlpi nasemte ii midangte a huh dan pawlkhat in bang ahiam?

^၅ ကိုယ့်​အသင်းတော်ကို အသင်းတော် အမှုထမ်းတွေ ထောက်ပံ့​မ​စနေ​တဲ့ နည်း​တချို့ စဉ်းစားကြည့်ပါ။ (၁ ပေ. ၄:၁၀) အသင်းတော် စာရင်းအင်း​တွေ၊ ရပ်ကွက်​တွေ စီမံ​ခန့်​ခွဲ​ဖို့၊ အသင်းတော်အတွက် စာပေတွေ မှာ​ယူဖို့၊ ရုပ်သံ စက်ပစ္စည်းတွေ ကိုင်တွယ်ဖို့၊ ဧည့်ကြို​လုပ်ဖို့၊ အစည်းအဝေး​ခန်းမ ထိန်းသိမ်းရာမှာ ကူညီဖို့ သူတို့ တာဝန်​ရ​ထားနိုင်တယ်။ အသင်းတော် စည်းစနစ်တကျ လည်ပတ်ဖို့ သိပ်​အရေးပါတဲ့ တာဝန်တွေ​ပါပဲ။ (၁ ကော. ၁၄:၄၀) ဒါ့အပြင် တချို့က အသက်တာနဲ့ အမှုဆောင်​လုပ်ငန်း အစည်းအဝေးမှာ တာဝန်တွေ ကျတယ်။ လူထုဟောပြောချက်​တွေ ပေးရတယ်။ အုပ်စုကြီးကြပ်မှူး​ကို ကူညီဖို့ တာဝန်​ရ​ထားနိုင်တယ်။ အရည်အချင်း ပြည့်မီတဲ့ အသင်းတော် အမှုထမ်းတွေဟာ အကြီးအကဲတွေနဲ့အတူ သိုးထိန်းလည်ပတ်မှု လိုက်​ရနိုင်တယ်။

6. Nasep a hahkat pawlpi nasemte tungah i lungdamna a hang pawlkhat in bang a hiam?

^၆ အသင်းတော် အမှုထမ်းတွေ​ကြောင့် အသင်းတော် ဘယ်လို အကျိုးရနေသလဲ။ “အသင်းတော် အမှုထမ်းတွေရဲ့ ကျေးဇူး​ကြောင့်​သာ အစည်းအဝေးတွေကနေ အကျိုးအပြည့်အဝ ရ​နေတာ၊ သီချင်းဆို​နိုင်​တာ၊ မှတ်ချက်​ပေးနိုင်တာ၊ ဟောပြောချက် နားထောင်​နိုင်​တာ၊ ဗီဒီယိုတွေ၊ ရုပ်ပုံတွေက​နေ သင်ယူ​နိုင်တာပါ။ သူတို့က အသင်းတော် လုံခြုံရေး တာဝန်ယူ​ပေးတယ်။ လူ​ကိုယ်တိုင် အစည်းအဝေး လာ​မ​တက်​နိုင်သူ​တွေ​အတွက် ဗီဒီယို ချိတ်ဆက်​ပေးတယ်။ အစည်းအဝေး ပြီးရင်​လည်း သန့်ရှင်းရေး လုပ်​ရာ​မှာ ဦးဆောင်တယ်။ စာရင်းအင်း​တွေ လုပ်တယ်။ လိုအပ်တဲ့ စာပေတွေ ရှိနေ​အောင် စီစဉ်ပေးတယ်။ သူတို့ကို သိပ်ကျေးဇူးတင်တယ်” လို့ ဘိုလီးဗီးယား​နိုင်ငံက ညီအစ်မ ဘယ်ဘာလီb ပြောတယ်။ ကိုလံဘီယာ​နိုင်ငံက အကြီးအကဲ​ဇနီး ညီအစ်မ လက်စလီ​လည်း ဒီလိုပြောတယ်– “ကျွန်မ​ခင်ပွန်း တာဝန်​အမျိုးမျိုး ကျေပွန်နိုင်ဖို့ အသင်းတော် အမှုထမ်းတွေကို အားကိုး​နေ​ရတယ်။ သူတို့သာ မကူညီ​ရင် တာဝန်တွေ ပိ​နေ​မှာ။ အားကြိုးမာန်တက်၊ တလိုတလား ကူညီပေးကြ​လို့ ကျေးဇူးတင်​မိတယ်။” သင်လည်း အဲဒီလို​ခံစားရတယ် မဟုတ်လား။—၁ တိ. ၃:၁၃။

7. Pawlpi nasemte tungah i lungdamna bangci lak thei i hiam? (Lim zong en in.)

^၇ အသင်းတော် အမှုထမ်းတွေကို ကျေးဇူးတင်တယ်​လို့ ခံစားကြရ​မှာ​ပါ။ ဒါပေမဲ့ ကျေးဇူးတင်ကြောင်း ပြဖို့ ကျမ်းစာ အားပေးတယ်။ (ကော. ၃:၁၅) ကျေးဇူးတင်ကြောင်း ပြတဲ့အနေနဲ့ “ကတ်​လေး​တွေ၊ စာတိုလေး​တွေ ပို့တယ်။ အထဲမှာ ကျမ်းပိုဒ်​တစ်ပိုဒ် ရေးတယ်။ သူတို့​ကြောင့် အားရှိ​သွား​ရတဲ့ သတ်သတ်မှတ်မှတ် အကြောင်းရင်း​တစ်ခု ဒါမှမဟုတ် ကျေးဇူးတင်​မိ​တဲ့ အချက်​တစ်ချက် ထည့်​ရေးတယ်” လို့ ဖင်လန်​နိုင်ငံက အကြီးအကဲ ညီအစ်ကို ခရှီရှတော့ဖ် ပြောတယ်။ နယူးကယ်လီဒိုးနီးယား​နိုင်ငံက ပါစကယ်​နဲ့ ဇီအယ်​တို့ ဇနီးမောင်နှံ​လည်း အသင်းတော် အမှုထမ်းတွေ​အတွက် သတ်သတ်မှတ်မှတ် ဆုတောင်းပေးတယ်။ “ဒီ​နောက်ပိုင်း ဆုတောင်းတဲ့အခါ အသင်းတော် အမှုထမ်းတွေကို ကူညီ​ထောက်မပေး​ပါ​လို့ ထည့်​တောင်း​ဖြစ်တယ်။ သူတို့ကို ပေး​ထားတဲ့အတွက် ယေဟောဝါကို ကျေးဇူးတင်​ချီးမွမ်းတယ်” လို့ ညီအစ်ကို ပါစကယ် ပြောတယ်။ ဒီလို​ဆုတောင်းချက်တွေကို ယေဟောဝါ ဖြေကြား​ပေးလို့ အသင်းတော်​တစ်ခုလုံး အကျိုးရတယ်။—၂ ကော. ၁:၁၁။

“NASEP A HAHKAT” PAWLPI UPATE

8. Paul in kum zalom masa lai-a pawlpi upate pen “nasep a hahkatte,” ci-in bang hangin gen a hiam? (1 Thesalonika 5:12, 13, ZSV)

^၈ ပထမရာစု အကြီးအကဲတွေဟာ အသင်းတော်အတွက် အလုပ်​ကြိုးစားကြတယ်။ (၁ သက်သာလောနိတ် ၅:၁၂၊ ၁၃ ကို ဖတ်ပါ။ ၁ တိ. ၅:၁၇) အစည်းအဝေးတွေ ကျင်းပခြင်း၊ အကြီးအကဲအဖွဲ့​လိုက် ဆုံးဖြတ်ချက်တွေ ချခြင်း​အားဖြင့် အသင်းတော်ကို “ဦးစီး” ကြတယ်။ ညီအစ်ကို/မတွေကို ကာကွယ်ပေးဖို့ သတ်သတ်မှတ်မှတ်၊ မေတ္တာပါပါ “အကြံ​ပေး​ဆုံးမ” ကြတယ်။ (၁ သက်. ၂:၁၁၊ ၁၂။ ၂ တိ. ၄:၂) ဒါ့အပြင် မိသားစု စားဝတ်နေရေးအတွက် အလုပ်လုပ်​ကြရတယ်။ ယေဟောဝါနဲ့ ကိုယ့်​မိသားစု ဆက်ဆံရေး ခိုင်မြဲ​နေဖို့ ကြိုးစား​ကြရတယ်။—၁ တိ. ၃:၂၊ ၄။ တိ. ၁:၆-၉။

9. Tu huna pawlpi upate’ tavuan pawlkhat in bang a hiam?

^၉ ဒီနေ့ခေတ် အကြီးအကဲတွေဟာ အလုပ်များ​ကြတယ်။ သူတို့ဟာ သတင်းကောင်း ဟောပြောသူတွေ ဖြစ်တယ်။ (၂ တိ. ၄:၅) ရှေ့​ကနေ စံနမူနာ​ပြပြီး ထက်ထက်သန်သန် ဟောပြောတယ်။ အသင်းတော် ရပ်ကွက်မှာ ဟောပြောဖို့ စီစဉ်ပေးတယ်။ ကျွန်တော်တို့ ထိထိရောက်ရောက် ဟောပြော​သွန်သင်​တတ်​ဖို့ လေ့ကျင့်ပေး​တယ်။ အကြီးအကဲတွေဟာ ကရုဏာ​ရှိတဲ့၊ မျက်နှာမလိုက်​တဲ့ တရားသူကြီးတွေ​လည်း ဖြစ်တယ်။ အသင်းတော်ထဲက တစ်ယောက်ယောက် ကြီးလေးတဲ့​အပြစ် လုပ်တဲ့အခါ ယေဟောဝါနဲ့ သူ ဆက်ဆံရေး ပြန်ကောင်း​ဖို့ ကြိုးစား​ကူညီပေးတယ်။ တစ်ချိန်တည်းမှာ အသင်းတော် စင်ကြယ်​နေဖို့လည်း ဂရုစိုက်​တယ်။ (၁ ကော. ၅:၁၂၊ ၁၃။ ဂလ. ၆:၁) အဓိကကတော့ အကြီးအကဲတွေဟာ သိုးထိန်း​တွေ ဖြစ်တယ်။ (၁ ပေ. ၅:၁-၃) ကျမ်းစာ​ဟောပြောချက်တွေ သေသေချာချာ ပြင်ဆင်​ပြီး ပေးတယ်။ အသင်းတော်မှာ ရှိသူ​အားလုံးအကြောင်း သိဖို့ ကြိုးစားတယ်။ သိုးထိန်းလည်ပတ်မှုတွေ လုပ်တယ်။ တချို့ဆိုရင် တခြား​တာဝန်တွေ ရှိတဲ့​ကြား​က အစည်းအဝေး​ခန်းမ ဆောက်လုပ်ရေး၊ ပြုပြင်​ထိန်းသိမ်းရေး၊ အစည်းအဝေးကြီး စီစဉ်​ကွပ်ကဲ​ရေး၊ ဆေးရုံ​ဆက်သွယ်ရေး ကော်မတီနဲ့ လူနာ​လည်ပတ်ရေး​အုပ်စုတွေ​မှာ ကူ​ညီတယ်။ တကယ် အလုပ်ကြိုးစားသူ​တွေ​ပါပဲ။

10. Nasep a hahkat pawlpi upate tungah i lungdamna a hang pawlkhat in bang a hiam?

^၁၀ တကယ် ထိန်းကျောင်း​မယ့် သိုးထိန်း​တွေ​ကို ပေါ်ထွန်း​စေ​မှာ ဖြစ်လို့ ကျွန်တော်တို့ “ကြောက်​လန့်” စ​ရာ မရှိဘူးလို့ ယေဟောဝါ ပြောထားတယ်။ (ယေ. ၂၃:၄) မိခင် အကြီးအကျယ် နေမကောင်း ဖြစ်ချိန်​မှာ ဖင်လန်​နိုင်ငံက ညီအစ်မ ယိုဟန်နာ အဲဒီလို​ခံစားခဲ့ရတယ်။ “တခြားသူတွေကို ကိုယ့်​အပူ​တွေ ထုတ်ပြောဖို့​ဆိုတာ တော်တော် မလွယ်တဲ့ ကိစ္စ​ပဲ။ ဒါပေမဲ့ ကျွန်မ ပြောချင်​လာတဲ့​အချိန်မှာ အကြီးအကဲ​တစ်ယောက်က စိတ်ရှည်ရှည် နားထောင်ပေးတယ်။ အတူတူ ဆုတောင်းပေးတယ်။ ကျွန်မကို ယေဟောဝါ ချစ်တယ်ဆိုတာ စိတ်ချစေတယ်။ တကယ်ဆိုရင် အဲဒီအကြီးအကဲ​နဲ့ အဲဒီလောက် ရင်းနှီး​တာ မဟုတ်ဘူး။ သူ ဘာ​ပြောခဲ့​သလဲ ကျွန်မ အတိအကျ မ​မှတ်မိပေမဲ့ စိတ်​လုံခြုံ​နွေးထွေး​သွားတာကို​တော့ မှတ်မိ​နေတယ်။ အဲဒီအကြီးအကဲ​ကတစ်ဆင့် ယေဟောဝါ အချိန်ကိုက် ကူညီပေး​လိုက်တာပဲ” လို့ ယိုဟန်နာ ပြောတယ်။ သင့်​အသင်းတော် အကြီးအကဲတွေ​ကော သင့်ကို ဘယ်လို ကူညီ​ပေးခဲ့သလဲ။

11. Pawlpi upate tungah i lungdamna bangci lak thei i hiam? (Lim zong en in.)

^၁၁ “[အကြီးအကဲတွေ]ရဲ့ အလုပ်ကို ထောက်ပြီး” ကျေးဇူးတင်လေးမြတ်ကြောင်း ကျွန်တော်တို့ကို ယေဟောဝါ ပြ​စေချင်တယ်။ (၁ သက်. ၅:၁၂၊ ၁၃) ဖင်လန်​နိုင်ငံက ညီအစ်မ ဟန်ရီအက်တာ ဒီလိုပြောတယ်– “အကြီးအကဲတွေ လိုလိုလားလား ကူညီပေးတယ်ဆိုတာ အချိန်၊ ခွန်အား ပို​လို့၊ ဘဝမှာ အပူအပင် ကင်း​လို့ မဟုတ်ဘူး။ ဒါကြောင့် ‘ညီအစ်ကိုက တကယ့် အကြီးအကဲ​ကောင်း​ပဲ။ ညီအစ်ကို​နဲ့ပတ်သက်ပြီး အဲဒီလို​ခံစားရတယ်ဆိုတာ သိစေချင်လို့ပါ’ ဆိုပြီး တစ်ခါတလေ သွား​ပြောတယ်။” တူရကီ​နိုင်ငံက ညီအစ်မ ဆီရာ​လည်း ဒီလိုပြောတယ်– “အကြီးအကဲတွေ ရှေ့ဆက်နိုင်ဖို့ ‘လောင်စာ’ လိုတယ်။ ဒါကြောင့် ‘လောင်စာ’ ဖြည့်​ပေးတဲ့အနေနဲ့ ကတ်​လေး​တွေ ရေး​ပေးလို့​ရတယ်။ ထမင်း ဖိတ်ကျွေး​လို့​ရတယ်။ အတူတူ အမှုဆောင်​လို့​ရတယ်။” သင်​ကော အထူးတလည် ကျေးဇူးတင်​လေးမြတ်​မိ​တဲ့ အကြီးအကဲ ရှိသလား။ ရှိတယ်ဆိုရင် နည်းလမ်း ရှာပြီး ကျေးဇူးတင်လေးမြတ်ကြောင်း ပြပါ။—၁ ကော. ၁၆:၁၈။

THA A HONG PIA KHAWKVAANTE

12. Jesuh in kum zalom masa lai-a pawlpite tungah tha a pia dingin kuate na seh a hiam? (1 Thesalonika 2:7, 8)

^၁၂ အသင်းတော်အတွက် နောက်​တစ်နည်းတစ်ဖုံ အမှုဆောင်ဖို့လည်း အမျိုးသား​တချို့ကို ခရစ်တော် ယေရှု ခန့်အပ်ထား​တယ်။ ပေါလု၊ ဗာနဗ​နဲ့ တခြားသူတွေကို နယ်လှည့်ကြီးကြပ်မှူးတွေ​အဖြစ် စေလွှတ်ဖို့ ဂျေရုဆလင်​မြို့က အကြီးအကဲတွေကို ယေရှု ညွှန်ကြားတယ်။ (တ. ၁၁:၂၂) ဘာကြောင့်လဲ။ အသင်းတော် အမှုထမ်းတွေ၊ အကြီးအကဲတွေ ခန့်အပ်​ရတဲ့ အကြောင်းရင်း​နဲ့ အတူတူ​ပါပဲ။ အသင်းတော်ကို အားပေး​တည်ဆောက်ဖို့​ပါ။ (တ. ၁၅:၄၀၊ ၄၁) တခြားသူတွေကို သွန်သင်​အားပေးနိုင်ဖို့ နယ်လှည့်ကြီးကြပ်မှူးတွေ​ဟာ အများကြီး စွန့်လွှတ်​အနစ်နာခံ​ကြတယ်။ သက်စွန့်ဆံဖျား အမှုဆောင်​ရတဲ့​အချိန်တွေ​တောင် ရှိတယ်။—၁ သက်သာလောနိတ် ၂:၇၊ ၈ ကို ဖတ်ပါ။

13. Khawkvaante’ nasep pawlkhat in bang ahiam?

^၁၃ တိုက်နယ်ကြီးကြပ်မှူးတွေဟာ တစ်ချိန်လုံး ခရီး​သွားရတယ်။ တချို့ဆိုရင် အသင်းတော်​တစ်ခုနဲ့ တစ်ခု​ကြား မိုင်ပေါင်း​များစွာ သွားရတယ်။ အပတ်တိုင်း ဟောပြောချက် အများကြီး ပေးရတယ်။ သိုးထိန်းလည်ပတ်မှုတွေ သွားရတယ်။ ရှေ့ဆောင်​အစည်းအဝေး၊ အကြီးအကဲ​အစည်းအဝေး၊ လယ်ကွင်းစုဆုံမှု​တွေ လုပ်ရတယ်။ တိုက်နယ်​အစည်းအဝေး၊ ခရိုင်​အစည်းအဝေးတွေ စီစဉ်​ရတယ်၊ ဟောပြောချက်တွေ ပြင်ဆင်ရတယ်။ ရှေ့ဆောင်​သင်တန်း ပို့ချ​ရတယ်။ တိုက်နယ်​အတွင်း​က ရှေ့ဆောင်တွေအတွက် အထူး​အစည်းအဝေး စီစဉ်​ရတယ်။ တခြား​အရေးကြီးတာ​ဝန်တွေ​အပြင် ဌာနခွဲရုံးက ပေးလာတဲ့ အရေးပေါ် တာဝန်တွေလည်း ရှိသေးတယ်။

14. Nasep a hahkat khawkvaante tungah i lungdamna a hang pawlkhat in bang a hiam?

^၁၄ တိုက်နယ်ကြီးကြပ်မှူးတွေကြောင့် အသင်းတော်တွေ ဘယ်လို အကျိုးရသလဲ။ တိုက်နယ်​လည်ပတ်မှုတွေ​နဲ့ပတ်သက်ပြီး တူရကီ​နိုင်ငံက ညီအစ်ကို​တစ်ယောက် ဒီလိုပြောတယ်– “ညီအစ်ကို/မတွေကို အချိန်ပို​ပေးပြီး ကူညီဖို့ တိုက်နယ်​လည်ပတ်မှု​တိုင်း​က ကျွန်တော့်ကို လှုံ့ဆော်ပေးတယ်။ တိုက်နယ်ကြီးကြပ်မှူး အများကြီး​နဲ့ ဆုံဖူးတယ်။ အလုပ်များ​လွန်း​တဲ့​ပုံစံ၊ မခေါ်​မပြောချင်​တဲ့​ပုံစံ တစ်ယောက်မှ မ​ဖမ်း​ကြ​ဘူး။” အစောပိုင်းမှာ ဖော်ပြခဲ့တဲ့ ညီအစ်မ ယိုဟန်နာ​အကြောင်း စဉ်းစားကြည့်ပါ။ အမှုဆောင်မှာ တိုက်နယ်ကြီးကြပ်မှူးနဲ့ တွဲရတယ်။ အိမ်ရှင်​တစ်ယောက်မှ မတွေ့ဘူး။ “ဟော​ခွင့်​မရပေမဲ့ အဲဒီ​နေ့ကို ကျွန်မ ဘယ်တော့မှ မေ့နိုင်မှာ မဟုတ်ဘူး။ အဲဒီတုန်းက ကျွန်မရဲ့ အစ်မ​နှစ်ယောက်စလုံး တခြား​နေရာကို ပြောင်းရွှေ့​သွား​ခါ​စ​မို့လို့ သူတို့ကို သတိရ​နေတာ။ အခု​အချိန်မှာ ချစ်ရသူတွေ​နဲ့ အတူတူ နေခွင့်​ရချင်မှ ရမှာ ဖြစ်ပေမဲ့ ကမ္ဘာသစ် ရောက်ရင်တော့ တစ်သက်လုံး အတူတူ နေ​ခွင့်ရမှာ​လို့ တိုက်နယ်ကြီးကြပ်မှူး အားပေးတယ်” ဆိုပြီး ယိုဟန်နာ ပြောတယ်။ ဒီလို​ချစ်ခင်​လေးစားစရာ​ကောင်းတဲ့ တိုက်နယ်ကြီးကြပ်မှူး အများကြီး ရှိပါတယ်။—တ. ၂၀:၃၇–၂၁:၁။

15. (a) Johan Thumna 5-8 ah a gen bangin, khawkvaante tungah i lungdamna bangci lak thei i hiam? (Lim zong en in.) (b) A kiseh pasalte ii a zite tungah hehpih ihihlam bang hang lak kul a hiam? Bangci lak thei i hiam? (“A Zite Uh Mangngilh Kei Un,” cih kiu li bawm pen en in.)

^၁၅ နယ်လှည့်​ညီအစ်ကိုတွေကို ဧည့်ဝတ်ပြုဖို့၊ “သူတို့ ခရီးဆက်​တဲ့အခါ ဘုရားသခင် နှစ်သက်တဲ့​အတိုင်း ကူညီပေး” ဖို့ ဂါယု​ကို တမန်တော် ယောဟန် အားပေးတယ်။ (၃ ယောဟန် ၅-၈ ကို ဖတ်ပါ။) ကျွန်တော်တို့လည်း တိုက်နယ်ကြီးကြပ်မှူးတွေကို ကူညီပေးနိုင်တယ်။ တစ်နည်းကတော့ ထမင်းစား​ဖိတ်​တာ​ပါ။ နောက်တစ်နည်းကတော့ တိုက်နယ်​အပတ်မှာ လယ်ကွင်းစုဆုံမှု​တွေ တက်တာ​ပါ။ တိုက်နယ်ကြီးကြပ်မှူးတွေကို အစောပိုင်းမှာ ဖော်ပြခဲ့တဲ့ ညီအစ်မ လက်စလီ ကျေးဇူးတင်လေးမြတ်ကြောင်း ပြတဲ့ နည်းတွေကို သတိပြုပါ။ “သူတို့ လိုအပ်တာတွေကို ဖြည့်ဆည်းပေးဖို့ ယေဟောဝါဆီ ဆုတောင်းပေးတယ်။ သူတို့ဆီ ကျွန်မတို့​လင်မယား စာရေးတယ်။ သူတို့​လည်ပတ်မှုကြောင့် ဘယ်လို အကျိုး​ရခဲ့တယ်ဆိုတာ ပြောပြတယ်” လို့ လက်စလီ ပြောတယ်။ တိုက်နယ်ကြီးကြပ်မှူးတွေလည်း လူ​ထဲက လူ​ပါပဲ။ ဖျား​တတ်​နာ​တတ်တယ်။ စိုးရိမ်​စ​ရာ​တွေ ရှိတယ်။ စိတ်ဓာတ်ကျတဲ့​အချိန်တွေ​တောင် ရှိတယ်။ ကျွန်တော်တို့ရဲ့ ကြင်နာမှု ရှိတဲ့ စကား​တစ်ခွန်း၊ လက်ဆောင်​လေး​တစ်ခုဟာ တိုက်နယ်ကြီးကြပ်မှူးရဲ့ ဆုတောင်းချက်​အဖြေ ဖြစ်နေနိုင်တယ်။—ပညာ. ၁၂:၂၅။

A KISEH PASALTE I KISAM MAHMAH HI

16. Paunak 3:27-a a gen bangin, unau pasalte in amau le amau bang dotnate a kidot ding uh kisam a hiam?

^၁၆ ကမ္ဘာတစ်ဝန်းမှာ ခန့်အပ်ခံ အမျိုးသားတွေ ပို​လိုအပ်​လာတယ်။ သင်ဟာ နှစ်ခြင်းခံပြီးသား ညီအစ်ကို​ဆိုရင် ခန့်အပ်ခံ အမျိုးသား​အဖြစ် “ကူညီပေးနိုင်စွမ်း” ရှိသလား။ (ပညာအလိမ္မာ ၃:၂၇ ကို ဖတ်ပါ။) အသင်းတော် အမှုထမ်း ဖြစ်ဖို့ တက်လှမ်း​ချင်​သလား။ အသင်းတော် အမှုထမ်း ဖြစ်နေပြီ​ဆိုရင် အကြီးအကဲအဖြစ် ညီအစ်ကို/မတွေ​အကျိုး သယ်ပိုး​ဖို့ တက်လှမ်း​ချင်​သ​လား။c သတင်းကောင်း ဟောပြောသူများ​အတွက် သင်တန်း လျှောက်ဖို့ ဘဝမှာ အပြောင်းအလဲတွေ လုပ်နိုင်​သ​လား။ ယေရှု​အတွက် အပြည့်အဝ အသုံးတော်ခံ​နိုင်သူ ဖြစ်ဖို့ ဒီ​သင်တန်းမှာ လေ့ကျင့်​ခံရမယ်။ အရည်အချင်း မပြည့်မီဘူးလို့ ခံစားရရင် ယေဟောဝါဆီ ဆုတောင်းပါ။ ရ​လာသမျှ ဘယ်တာဝန်ကိုမဆို ကျေပွန်နိုင်ဖို့ သန့်ရှင်းသော စွမ်းအားတော် တောင်းခံပါ။—လု. ၁၁:၁၃။ တ. ၂၀:၂၈။

17. Kumpi Jesuh in a kiseh pasalte hong piakna pan ama thu bang hong kilangsak a hiam?

^၁၇ “လက်ဆောင်​အဖြစ်” ခန့်အပ်ခံ အမျိုးသားတွေကို ပေးထားတာ​ဟာ နောက်ဆုံး​ကာလအတွင်း ကျွန်တော်တို့ကို ယေရှု ဦးဆောင်နေကြောင်း သက်သေပါပဲ။ (မ. ၂၈:၂၀) ဘုရင် ယေရှုဟာ မေတ္တာရှိ​တယ်၊ ရက်ရော​တယ်၊ ဂရုစိုက်​တတ်တယ်။ ကျွန်တော်တို့ကို ဂရုစိုက်ပေးဖို့ အရည်အချင်း​ရှိ ညီအစ်ကိုတွေ ခန့်အပ်​ပေးထားတယ်။ ဒီလို​ဘုရင်​မျိုး ရထားလို့ သင် ကျေးဇူးတင်တယ် မဟုတ်လား။ ဒါဆိုရင် အလုပ်​ကြိုးစားတဲ့ ခန့်အပ်ခံ အမျိုးသားတွေကို အခွင့်အရေး ရှာပြီး ကျေးဇူးတင်လေးမြတ်ကြောင်း ပြပါ။ “ကောင်းမြတ်တဲ့ ဆုကျေးဇူး၊ ပြည့်ဝစုံလင်တဲ့ လက်ဆောင် မှန်သမျှ” ပေးထားတဲ့ ယေဟောဝါကိုလည်း ကျေးဇူးတင်လေးမြတ်ကြောင်း ပြဖို့ မမေ့ပါနဲ့။—ယာ. ၁:၁၇။