Génesis

8 Mawũã Abránba jarasi Lot’a: «Mʉ̃ bia ok’ãrãpe, dayirã yi mebẽã baera yõna ẽ baitabʉa bʉta mʉ̃me, bʉ paka akʉpanʉrata mʉ̃ paka akʉpanʉraʉ̃me. 9 Bʉara jidaseabʉ bʉ pʉwʉrʉ wãkĩrãma, ¿bʉ mabida? Yibia ẽ bayi ãba panaita. Bʉta juwa’ãkare wãra mʉ̃ra juwarare wãñi mamina bʉta juwarare wãra mʉ̃ra wãñi juwa’ãkare». 11 Lotbara drʉa Jordán debema wãita jidasi akʉza wãsi ʉ̃madaʉ ʉ̃tʉ zebari eda mawũã o awuara jidasida. 12 Abrán Canaán drʉa eda wãsi awuarabʉrʉ Lot’ra pʉwʉrʉ Jordándebema k’aita wãsi maʉ̃are iyi dera pãrasi Sodoma k’aita. 13 Mamina ẽbẽra Sodomadebemara jipa kayiruabasi akʉza nemitiara opanasi Jeowa daidu. 14 Lot Abráneba wãna tẽã, Jeowaba jarasi Abrán’a: «Mʉ̃ bia ok’ãrãpe bia akʉra. Bʉ bʉdeba, akʉra wãdeare, barẽare, juwarare akʉza juwa’ãkare. 15 Bʉa naʉ̃ drʉa jõma k’ãwũã akʉbʉra mʉ̃ara diayi bʉdeba zebʉa akʉza naʉ̃ra ewari jõmaʉ̃nẽ maranebayi. 16 Mʉ̃ara oyi jõma bʉdeba zebʉra naʉ̃ drʉade bamarẽã ibʉde bʉ kĩrãk’a. Jari ibʉ jõma jʉacha bʉraba jʉachara, jʉachaseabʉ bʉdeba zeirasida. 17 Wãna, wãra naʉ̃ drʉa jõmaʉ̃nẽ, mʉ̃a bʉa diai baera».