Génesis

21 Jeowabara akʉsi Sarata, iya jarada kĩrãk’a akʉza Jeowabara Sara diaya adara diasi. 2 Sarara biogosi mawũã Abrahán’a wũãwũãta to diasi iyi zõnabasimina, Daizezeba ewari jaradade mawũã berabarisi. 3 Abrahánbara toda yi zake wũãwũãra trʉ̃gasi Isaac, maʉ̃ wũãwũãra Saraba to diadabasi. 5 Abrahán’ra 100 poagabasi yi wũãwũã Isaac tosidadera. 6 Saraba jarasi: «Daizezeba mʉ̃ra ipidabibʉrʉa, yi maʉ̃ ũrĩbʉrʉra mʉ̃me ipidayi». 7 Adewara iya jarasi: «¿K’aibʉrʉ jarakasi Abrahán’a: Sarabara wũãwũãta ju dawayi? Akʉra mʉ̃ tobʉrʉa iyi zõnabasimina». 10 Maʉ̃ k’area Abrahán’a jarasi: «Jʉretara bʉ nezok’ata akʉza yi wũãwũãʉ̃me. Mʉ̃ wau Isaacbara bʉa nebia amaebʉrʉra ẽzadra dra ẽ bayi kaʉ̃ nezok’a wũãwũãʉ̃mebara». 11 Abrahán’ra mejãcha sopuasi iya maʉ̃ bed’ea ũrĩbʉrʉ k’area yi wũãwũã ʉ̃rʉ. 12 Aramaʉ̃ta Daizezeba jarasi Abrahán’a: «Sopuarãra Saraba maʉ̃ bed’ea jarabʉ k’area maʉ̃ wũãwũã ʉ̃rʉ akʉza bʉ nezok’a ʉ̃rʉ. Ũrĩdua, bʉdeba zei ẽbẽrarã Isaacdeba zeyi. 14 Abrahán’ra diapeda piradrʉtotosi, mõbe panta jiradasi akʉza jibado baniata tʉ k’ãrãpe diasi Agar’a. Maʉ̃ra iyara jõma okiwade kʉbʉsi mõbe akʉbʉesi iyi nezok’ata adewara yi wũãwũãʉ̃me. Iyira wãsi, drʉa ibʉawabʉ Beer-Sebaidu jʉ̃ẽbʉrʉdera k’awua ẽ basi sama wãita. 33 Maʉ̃ tẽã Abrahánbara Beer-Sebade usi bakuru tamariskota mama jarasi Jeowa trʉ̃ta, Daizeze ewari jõmaʉ̃nẽ bakikibarita.