Génesis

36 Naʉ̃ra Esaú nebʉra, mawũã ẽ bʉrʉ Edom. 2 Esaúra mia k’ãĩsi Canaánebema wẽrãrabawara. Mia k’ãĩsi Adá, Elón kau ititadebema’ʉ̃me akʉza Oholibamá’ʉ̃me Aná kau, Zibeón ebeodebemata yi zezonabasi. 3 Adewara mia k’ãĩsi Basemat’ʉ̃me, maʉ̃ra Ismael kau akʉza iyabaʉta Nebayot mebẽã. 4 Esaúra, Adáʉ̃meba wũãwũã aba tosida Elifazta, Basemat’ʉ̃meba wũãwũã aba tosida Reuelta 5 akʉza Oholibamáʉ̃meba tosida Jeús, Jalam akʉza Coréta. Naʉ̃ra Esaú wũãwũãrãra, iya drʉa Canaáne todarata. 6 Maʉ̃ tẽã, Esaúra ara jĩga wãsi yi mebẽã Jacobdeba, maʉ̃ne edesi yi kimarata yi wũãwũãrata akʉza yi kaurata adewara jõma iyi dedabʉrata, iyi pakarata akʉza iya nedʉwʉrʉra erbadarata, nek’ãrẽ bia drʉa Canaáne ũduta jõma edesi. 7 Ãyiʉ̃meba nek’ãrẽ bia mejãcha ũdusida baera, ãyira ãba babe ẽ basi. Ãya nedʉwʉrʉra mejãcha erbasi baera ãya drʉa erbadabara ara ẽ basi. 8 Mawũẽra Esaúra wãsi Seir katumaena. Esaúra Edom. 9 Naʉ̃ra Esaú nebʉra, edomitara zeze, Seir katumanebʉ. 10 Esaú wũãwũãra trʉ̃rãra naʉ̃ra Elifaz Adá wũãwũã, Esaú kima, Reuel Basemat wũãwũã, Esaú kima tẽãbema. 11 Elifaz wũãwũãra trʉ̃rãra naʉ̃ra Temán, Omar, Zefó, Gatam akʉza Quenaz. 12 Elifaz, Esaú warraba, kima tẽãbemata erbasi yi trʉ̃ra Timná. Tẽãne, iya Elifaz’a wũãwũãta todiasi yi trʉ̃ra Amalec. Naʉ̃ra Adá wũãwũãrãrabasi, Esaú kima. 13 Reuel wũãwũãrãrã naʉ̃rabasi Náhat, Zérah, Samá akʉza Mizá. Naʉ̃ra Basemat wũãwũãrãrabasi, Esaú kima. 14 Oholibamá Aná kauba (Zibeón yi zezonabasi akʉza Esaú kimabasi) Esaú’a to diasi naʉ̃rata: Jeús, Jalam akʉza Coréta. 15 Esaú wũãwũãraneba zebʉra naʉ̃rata nok’obasi. Elifazdeba (Esaú wũãwũã nabema) zesi nok’o Temánta, nok’o Omarta, nok’o Zefóta akʉza nok’o Quenazta, 16 nok’o Coréta, nok’o Gatamta akʉza nok’o Amalecta. Naʉ̃rata Elifaz mebẽrã nok’obasi drʉa Edomne. Adá wũãwũãrabasi. 17 Reueldeba (Esaú wũãwũã) zesi nok’o Náhat’ta, nok’o Zérahta, nok’o Samáta akʉza nok’o Mizáta. Naʉ̃rata Reuel mebẽrã nok’obasi drʉa Edomne. Basemat wũãwũãrabasi. Esaú kima. 18 Oholibamádeba (Esaú kima) zesi nok’o Jeústa, nok’o Jalamta akʉza nok’o Coréta. Naʉ̃rata nok’o Oholibamáneba zesi Aná kau akʉza iyabaʉta Esaú kimabasi. 19 Naʉ̃rata Esaú wũãwũãrabasi (naʉ̃ta Edom) adewara nok’ora ãyideba zeda.