Génesis

44 Maʉ̃ tẽã Joséba zok’asi iyi nezok’a iyi de akʉbʉa: «Kostalde yiko mejãcha bʉera birayeda ãya edeseabʉde mõbe bʉera platata ãyi kostalde eda aba abaka. 2 Mamina ãyi jõmaʉ̃ra tẽãbemanera, maʉ̃ plata bʉeda awuara eda mʉ̃ kopata bʉera, kopa plata omata». Mawũã osi yumakẽrãbara Joséba zok’ada kĩrãk’a. 13 Aramaʉ̃ta ãyara kõẽtasida wuara. Maʉ̃are ãyi aba abakaʉba jẽda bʉekʉasi ãyi burrude, mawũã wãsi pʉwʉrʉ eda. 20 Aramaʉ̃ta daiba jarasi dai zok’abʉa: Mawũa, daiba zezeta erbʉ mamina iyira zõrãrã asi. Adewara daiba erpanʉ mebẽã aba, audre warrarabʉta. Maʉ̃ wũãwũã tosidade dai yibarira zõrãbasi, adewara maʉ̃trʉ abapaibʉ yi papaba todata yi mebẽã nabemara beisi baera. Yi zezebara maʉ̃ra mejãcha kãgabʉ. 33 Maʉ̃ba dai nok’o, mʉ̃ bia ok’ãrãpe maʉ̃ warra nama amae kaʉde mʉ̃ta iyi baribayi nezok’a kĩrãk’a, mawũã maʉ̃ warra yi mebẽrãbawara jẽda wãmarẽã. 34 ¿Mʉ̃ra sãwũã jẽda wãipe mʉ̃ yibari bʉidu kaʉ̃me wã ẽã? Mʉ̃a sãwũã ũdukĩrãipe mʉ̃ yibari zʉbʉriabʉra».