1 Reyes
5 Maʉ̃ena, Adonías Haguit wauba iyikʉza ibia bedʼeabasi, jarabasi: «Mʉ̃ta nokʼo bayi». Iyita ozokʼabisi karruta akʉza jʉrʉsi ẽbẽrarãta kabayo ʉ̃rʉ baridamarẽã akʉza 50 yumakẽrãra jʉrʉsi iyi nãã wẽba wãnamarẽã. 6 Yi zezebara yi warrara kʼãrẽ jarakabasi, jara ẽ basi: «¿bʉara kʼãrẽa osi maʉ̃ra?». Adoníasʼra Absalón tẽãbemabasi, iyisida kĩrãwãreãbasi. 7 Adoníasʼra bedʼeasi Joab Zeruyá warraʉ̃me akʉza saserdote Abiatarʼʉ̃me, naʉ̃raba kʼarebaya asi iyira. 8 Mamina saserdote Sadocta, Benaya Jehoiadá warrata, propeta Natánta, Simeíta, Reíta akʉza yumakẽrãra zarea barabʉra Davidʼʉ̃me badarãra Adoníasʼare wãna ẽ basi.