Salmo
146 Ibia bedʼeaidua Jah ʉ̃rʉ, mʉ̃ bebʉ jõmaʉ̃ba ibia bedʼeayi Jeowa ʉ̃rʉ̃. 2 Mʉ̃ ewari jõma zokʼai bʉedara ibia bedʼeayi Jeowa ʉ̃rʉ. Mʉ̃ zokʼai bʉedara mʉ̃ Daizeze ʉ̃rʉ ibia bedʼeabʉ trãbita trabayi. 3 Ĩjãraidua nokʼora ʉ̃rʉ, mia yumakẽrã warra ʉ̃rʉ, ãyara ẽdrʉbibeda ẽ baera. 4 Iñaba ẽ dogo akʉza jẽda egoro babʉ; maʉ̃ iyabaʉ ewaride iyi krĩchara jõdogo. 5 Sobiabʉ yi Jacob Daizeze kʼareba erbʉra, yi Daizeze Jeowa ʉ̃rʉ jʉ̃ãpanʉra, 6 iya parãsi bajãta, egorota akʉza pusata adewara nekʼãrẽ jõma mamabʉta, iyira ewari jõmaʉ̃nẽ kʼẽrẽpabʉ, 7 Daizezebara kʼarebabʉ yi zʉbʉriabʉrãra akʉza panta diabʉ yi jarrapanʉara. Ẽdrʉbibʉ yi karseldebʉra. 9 Jeowabara k’arebabʉ yi jãpeba zedararã; k’arebabʉ jẽrãmarata akʉza pẽdrata, mamina kayirua ora jʉ̃rẽ obʉ.