Isaías

45 Naʉ̃ta jarasi Jeowaba iya jidada Ciro’a, mʉ̃ juwarareba jida erbʉa, pʉwʉrʉra zok’aita, jãrĩñi nok’ora zareata, akʉza puertara ewa jirabayi: 2 Mʉ̃ta wãñi bʉna, ara oita drʉa katumabarabʉ koribibabita. Puerta kobre omara bʉgʉzʉabita, adewara reja jiorro omara bʉekʉayi. 9 Zʉbʉria yi parãnaʉ̃me keikeabʉra, iyira egoro oma baera, egoro biobʉdebemaneba ʉ̃tʉ zeda baera. ¿Egorobara jaraseabʉka yi Parãbaria «¿Kʼãrẽta obʉ?»? ¿Mawũã ẽ bʉrʉ iyara jaraseabʉka bʉra juwa neẽãbʉta? 10 Zʉbʉria yi zeze abaʉa jarabʉta «¿Kʼãrẽta biogosi bʉara?» akʉza yuwẽrã abaʉa jarabʉta «¿Kʼãrẽta tosi bʉara?». 11 Naʉ̃ta jarabʉ Jeowa Israel Santoba, yi parãnaba: «¿Bʉabʉrʉ kʼawua jaraika mʉ̃aʼa nekʼãrẽ ʉ̃ra zei ʉ̃rʉra akʉza mʉ̃ wũãwũãra kʼãrẽta omarẽã jaraika adewara mʉ̃a nekʼãrẽ obʉ ʉ̃rʉbida?». 12 Mʉ̃a osi drʉara akʉza ẽbẽrata parãsi maʉ̃ ʉ̃rʉ bamarẽã, mʉ̃yi juwaba parãsi bajãta akʉza kʼãrẽta omarẽã zokʼabʉ ʉ̃tʉbʉ gorogorora jõmaʉ̃a». 18 Naʉ̃ drʉa parãnata akʉza maʉ̃ odata. Iya ãrĩ ẽ baide parãsi, bari ewari abaʉde parã ẽ basi, awuarabʉrʉ parãsi ẽbẽrarãta panamarẽã.