Isaías

3 Ẽbẽra drʉa jãpedebema Jeowa ode wãbʉbara jara be ẽ: ‹Jeowabara mʉ̃ra jãpe bʉeyi iyi pʉwʉrʉdebara›. Akʉza eunukoba jara be ẽ: ‹Akʉra, mʉ̃ra bakuru põ›». 4 Jeowabara naʉ̃ta jarabʉ baera: «Eunukora mʉ̃ sabado wawiapanʉrãra, mʉ̃a kãgabʉta oita jidabʉrãra, mʉ̃me bedʼea abarika zedade bʉrãra, 5 mʉ̃a mʉ̃ deda akʉza mʉ̃ murayarane eda, diayi nekʼãrẽ parãmata akʉza trʉ̃ta, audre yibiata wũãwũãra yumakẽraira akʉza yuwẽrãira. Mʉ̃ara diayi trʉ̃ ewari jõmaʉ̃nẽ baita, trʉ̃ jõkata. 6 Drʉa jãpeba zeda Jeowa o jidadarãra, Jeowa trʉ̃ kãgaita akʉza iyi nezokʼara bʼaita, ẽbẽrarã sabado wawiapanʉrãra adewara mʉ̃me bedʼea abarika zedade bʉrãra, 7 mʉ̃a weyi mʉ̃ katumaena akʉza mʉ̃a sobia bigayi mʉ̃ de yiwidʼibari mae. Mʉ̃a ĩjãñi mʉ̃ altarde ãyi oprenda bamarata akʉza sakripisiorata. Mʉ̃ dera, yiwidʼibari de bayi jõmaʉ̃ pʉwʉrʉraita».