Mateo
13 Mawũẽra uruma beaidua, maraba kʼawua ẽ baera kʼãrẽ ewaride akʉza kʼãrẽ ũmadaʉde zeita 15 Abaʉʼa cinco mil moneda diasi, yi ababema dos mil moneda akʉza yi ababema mil moneda diasi, aba abakaʉʼa ãya oseabʉidu diasi, mõbe wawara wãsia. 23 Iyi nokʼoba panʉsia: biga, bʉra nezokʼa bia akʉza kʼẽrẽpa bʉa. Mʉ̃a bʉa wĩña diadata biʼia osi baera, ne mejãcha diayi mʉ̃ara. Zera bʉ nokʼoʉ̃me sobia bʼaita. 31 «Yumakẽrã Warra iyi angelerabawara zareabara zebʉrʉde, jewedayi iyi bʉgue biʼiabʉde. 32 Jõma pʉwʉrʉrãra ãba jʉrebidayi iyi nãã akʉza awuara bʉekʉayi ẽbẽrarã aba abaka, nedʉwʉrʉ akʉbariba awuara bʉebʉ kĩrãkʼa obejarata kabraraʉ̃me. 33 Bʉeyi obejarata juwarare kabrarãra juwaʼãkare. 34 »Aramaʉ̃ta Nokʼoba jarayi iyi juwararebʉa: «Zeidua marata, yi mʉ̃ Zezeba bia edabʉrʉta, maraba erbaidua Nokʼo maraita odapeadata, naʉ̃ drʉa oi nãã. 35 Mʉ̃ jarrabʉde maraba yiko diasida. Mʉ̃ obisiabʉde bania diasida. Mʉ̃ ãĩbemabasimina bia edasida. 36 Mʉ̃ ãkadabaside maraba wua jʉ̃bisida. Mʉ̃ kayabaside maraba akʉsida. Mʉ̃ karseldebaside maraba mʉ̃ta akʉ zesida›. 40 Akʉza Nokʼoba panʉñi: ‹Mʉ̃a mara jaraya, maraba mʉ̃ mebẽrã kʼarea odara mʉ̃ kʼarea obʉrʉ kĩrãkʼa osida›.