Lucas
9 Ʉ̃kʉrʉrabara krĩchapanasi jõma aripe opanʉta adewara wuabemaraba aripe oda ẽata. 10 Yumakera ũme wãsida temploeda yiwidʼide: abara fariseo basi, ababemara impuesto kobrabari basi. 11 Fariseora piradrʉ kʼãrãpe iyi yiwidibʉrʉdera jarasi: ‹Zeze, kʼãrẽ kĩrãkʼa yibia jipa mʉ̃ra wuabemara kĩrãkʼa bʉ ẽ baera, jãrĩ ẽ baera wuabemara platata, ãĩba bʉ ẽ baera, aripe obʉ baera, akʉza naʉ̃ ẽbẽra impuesto kobrabʉ kĩrãkʼa bʉ ẽ baera. 12 Semanane ewari ũme ayunabʉ mʉrã akʉza diesmota diabu, mʉ̃a erbʉ debemata. 13 Mamina impuesto kobrabʉbara ʉ̃ta akʉ ẽ basia, awuarabʉrʉ iyi trũã neachi kʼãrãpe jãrãsia: Daizeze, so zʉbʉria akʉra mʉ̃ra, nemitia omia mʉ̃ra. 14 Mʉ̃a mara jaraya, kʼaʉ̃ ẽbẽrabʉrʉ aripe obʉrʉ fariseodeira, yi ẽbẽra ʉ̃tabʉta krĩchabʉra zʉbʉria odayi. Mamina yi edabʉra yi zroma babidayi. 18 Judiora Nokʼo abaʉba widisi: «Ũrãga diabari, bʉra ẽbẽra bia, ¿mʉ̃ara kʼãrẽta oibara ewari jõmaʉ̃ne baira?». 22 Iyi bedʼea ũrina tẽã Jesúsba jarasi: «Aba waebʉ: wãra nedode bʉa kʼãrẽ jõma erbʉra mõbe kʼãrẽ neeabʉra diara platara mawũã nebia erbayi ʉ̃tʉra. Mawũãre mʉ̃ kʼaidu zera».