2 Timoteo

2 Maʉ̃ kʼarea, mʉ̃ warra, zarea wãbira Jesu Kristo biadeba. 2 akʉza nekʼãrẽ bʉa mʉ̃neba kʼawuadara akʉza mejãchaʉba abarika kʼawuadapeadara, yumakẽrã kʼẽrẽpabʉrane amaera, mawũã ãyabida bia jaradiaseabayi wuabemara. 10 Maʉ̃ kʼarea jõma awuantanʉmʉ ʉ̃ta wãnai kʼarea, mawũã maʉ̃rasida ẽdrʉdamarẽã Kristo Jesúsdeba, mawũã ewari jõmaʉ̃nẽ beikata panamarẽã ʉ̃tʉ. 12 Dayirãta zareabara, ãbaʉba zok’adayi, mamina dayirãba ũduka jararã iyabida ũduka ayi. 15 Bʉ zarea jõma diara Daizezeba akʉmarẽã ẽbẽra biata, trajabari kʼãrẽa perai nesida neẽãta, Daizeze Bedʼea biʼia zokʼa kʼawuabʉta. 19 De jĩrʉ zarebʉ kĩrãkʼa soiduba ĩjãpanʉ Daizezeba jaradiabʉta, mama bʉsida: «Jeowabara ũdukʼawuabʉ iyi dera» akʉza «Yi jõma Jeowa trʉ̃ne ĩjãpanʉrabara idubʉibara nekayiruara». 20 De zromanera bari nekʼãre oro oma awa akʉza plata oma awa bʉ ẽ awuarabʉrʉ bʉ, nekʼãrẽ bakuru omata akʉza egoro omata. Ʉ̃kʉrʉra zokʼapanʉ nebia oita akʉza ʉ̃kʉrʉta zokʼapanʉ nebia oẽ baita. 21 Mawũẽra yi naʉ̃ nekʼãrẽ jõbodoare jaradadeba jĩgabʉra zokʼadayi nebia oita, neneẽãbayi akʉza yibiabayi iyi zokʼabʉita adewara nekʼãrẽ bia okʼawuabayi. 22 Maʉ̃ kʼarea, wẽba mĩrʉ wãra warraraba okĩrãpanʉ kĩrãkʼa oẽ baita, awuarabʉrʉ jʉrʉda aripe oita, ĩjãita, kãgata, aduʼa bʼaita wuabema ẽbẽrarã jaigʉa ẽã soiduba Daizeze kãgapanʉrabawaraʉba. 23 Adewara, ũrĩrãra kʼawua ẽãbʉde bedʼeakabʉra akʉza zeri ẽã bʉde bedʼeakabʉra, maʉ̃ba yõbibʉ baera. 24 Daizeze odebʉrara k’ãrẽa yõira neẽ, awuarabʉrʉ ẽbẽra biabaibara jõmaʉ̃rabawara, bia jaradia kaʉbaibara, akʉza jʉ̃ã kaʉbaibara. 25 Ibiade ũrãgʼamarẽã yi ũrikĩrã ẽãrata, k’awua ẽ baera Daizezeba jẽda krĩchabita akʉza jaradiaita wãrĩnuta. 26 mawũã jẽda kʼẽrẽpa panamarẽã akʉza ẽdrʉdamarẽã Diaru kidabedeba, iya zokʼaipanʉrata jidabʉ baera iya kãgabʉta omarẽã.