Josué

7 Mamina israelitarãra kʼẽrẽpa pana ẽ basi, Acánbara zrʉgasi baera nekʼãrẽ wuagadadebemata ãrĩnaita, iyira Carmí warra basi, Zabdí warra basi akʉza Zérah warra basi, Judádeba zedaba. Mawũã oda kʼarea Jeowara mejãcha kĩrʉsi israelitara ʉ̃rʉ. 4 3.000 wãri zesida mamina wẽba wãsida Haidebema ẽbẽrarã kʼarea. 5 Ẽbẽrarã Haidebemarabara 36 yumakẽrãra beasida; ãyara pẽwãsida israelitarãra pʉwʉrʉ puertadeba Sebarimbayeda, makena wãsida ʉ̃tʉba eda. Maʉ̃ kʼarea israelitarãra so zʉbʉriasida. 20 Acánbara Josuéʼa panʉsi: «Mʉ̃ra Jeowa ʉ̃rʉ nemitiata obʉrʉ, Israeldebema Daizezeʼa. Mʉ̃a osi naʉ̃ta: 21 Nekʼãrẽ ãrĩnainebemara mʉ̃a ũdusi wua biʼia kĩrʉta Sinardebemata, 200 siklo plata omata akʉza orota maʉ̃ra 50 siklo zʉgʉbasi, mʉ̃a kãga totosi mawũẽra edesi mʉ̃ara. Mʉ̃a maʉ̃ra meranʉmʉ kʼãrẽ, egoro deda mʉ̃ karpa demae akʉza platara maʉ̃ edre chu». 24 Josuéba akʉza Israeldebemara jõmaʉ̃ra Acán, Zérah warrara edesida, yi plataeda, yi wua biʼia kirueda, oroeda, iyi wũãwũãrata akʉza yi kaurata, iyi torota, iyi burruta, iyi nedʉwʉrʉraeda, iyi de karpa akʉza jõma iya erbadata, mõbe wãri zebisida Acor koribieda. 25 Josuéba jarasi: «¿Kʼãrẽa naʉ̃ nemitiata obʉrʉ bʉa daira? Idira Jeowaba bʉra edeyi zʉbʉriaeda». Mawũẽra Israel jõmaʉ̃ba beasida mõgaraba; maʉ̃ tẽã tʉbʉ deda babʉesida. Ãyi jõmaʉ̃ta mõgaraba batasida. 26 Adewara iyi ʉ̃rʉra mõgarata mejãcha jʉrepenʉmʉsida idibasidu. Mawũẽra Jeowa kĩrʉbira taʉ totosi. Maʉ̃ kʼarea kaʉ̃ drʉara trʉgapanʉ Acor koribi idibasidu.