Éxodo

15 Jari ewaribasidera Moisésta akʉza israelitarata trãsida naʉ̃ trãbita Jeowaita: «Jeowa’a trãña iyira yi zromata ũdubisi baera kabayota akʉza kabayo baribarirata puzade balbʉesi baera. 2 Jeowara mʉ̃ zarea iya mʉ̃ta k’arebasi baera, naʉ̃ mʉ̃ Daizezera, mʉ̃ra iyi ʉ̃rʉ ibia bed’eayi, naʉ̃ra mʉ̃ zeze Daizeze, mʉ̃a yi zroma babiyi 6 Bʉ juwakata Jeowa, jipa zarea barabʉ. Bʉ juwakaba Jeowa, birachibʉ bʉ nejʉrara. 11 ¿Jeowa k’ai daizeze zeri ẽãta bʉ kĩrãk’abʉ? ¿K’aita bʉ kĩrãk’a neneẽãbʉ? Bʉtrʉ abapai wawiadaibara akʉza trãnaibara bʉabʉrʉ nek’ãrẽ zromata obʉ baera. 18 Jeowabara ewari jõmaʉ̃nẽ zok’abayi. 20 Aramaʉ̃ta propeta Míriam Aarón mebẽãba tonota jidasi, maʉ̃ k’aidu wẽrãra jõmaʉ̃ta tonota zasida akʉza berasida. 21 Míriambara yumakẽrãra k’ãwũã trã panʉbasi: «Jeowa’a trãidua iyira yi zromata ũdubisi baera kabayota akʉza kabayo baribarirata puzade balbʉesi».