Mateo
18 «Dayirã wãrĩze wã Jerusalén pʉwʉrʉ eda, iyira Beibari Bape mainʉ diadaya saserdotera nok’ora’a akʉza ũrãg’a Moisésde jarabadara’a. Maʉ̃rabara jaradaya beadamarẽã 19 aramaʉ̃ne iyira diadaya judiora ẽã’a, iyi k’area ipidadayi adewara ubeadayi akʉza bakuruma juwa kachidaya; mawũãmina ewari ũbeade beidata piradrʉya.» 25 Jesuba ãba jʉreda kʼãrãpe mõbe jarasi: «Marabara kʼawuapanʉ nokʼorabara pʉwʉrʉra ãyi juwa edre erbʉta akʉza yi zromarabara ẽbẽrarã ãyi juwa edre erbʉta. 26 Mamina marara mawũã panaibara ẽ. Awuarabʉrʉ maranebemata yi zromata krĩchabʉbʉrʉ wuabemara nezokʼa bʼaibara 27 akʉza maranebemata nããra bakĩrãbʉbʉrʉ wuabemara nezokʼa bʼaibara. 28 Naʉ̃ta osi Yumakẽrã Warrabara. Ze ẽ basi iyita akʉdamarẽã, awuarabʉrʉ zesi wuabemara akʉita akʉza iyi bebʉ diaita wuabemara ẽdrʉbita».