1 Samuel
16 Ewari berabarida tẽã, Jeowaba jarasi Samuelʼa: «¿Ewari sõbebayeda sopua bai bʉra Saúl kʼarea?¿Mʉ̃a jarasi ẽka Israel wua zokʼa ẽ marẽã? Birara nẽ dragaba kachura mõbe wãra. Kãgabʉ wãmarẽã Jesé betlemitaʼma, mʉ̃a jidasi yi wũãwũãra abaʉdebemata nokʼo bamarẽã». 6 Ãyi erdeguewade, Samuelba ũdusi Eliabta mõbe jarasi: «Jeowabara naʉ̃ta jidasi baibara». 7 Mamina Jeowabara Samuelʼa jarasi: «Ʉ̃rʉ akʉrara iyi sãwũãbʉta akʉza kʼãrẽaba ʉ̃tʉchuta, mʉ̃ara iyira jida ẽ baera. Daizezebara nekʼãrẽ akʉ ẽ yumakẽrãba akʉbʉ kĩrãkʼa. Yumakẽrãbara akʉbʉ iyi dabʉ nããbʉta, mamina Jeowabara akʉbʉ yi sota». 10 Akʉza mawũã Jesébara Samuel nãã iyi wũãwũãra sietepanʉta berabaribisi, mamina Samuelba Jeséa jarasi: «Jeowabara naʉ̃ra nebemara mia kʼaita jida ẽ basi». 11 Aramaʉ̃taSamuelba Jeséa widisi: «¿Naʉ̃rata jõma bʉ wũãwũãraka?». Iya panʉsi: «Wabida waekʉ yi ãtotota, iyara obejarata akʉnʉmʉ». Mawũãi Samuelba Jeséa jarasi: «Eda zokʼabʉera, iyi ze ẽ nããra nekoda ẽ baya». 12 Mawũẽra jʉrʉ zokʼa bʉesi, mõbe wesida. Maʉ̃ kũrara bʉda kʉara yirasi, kĩrãwarẽa yirasi akʉza dabʉ bia yirasi. Aramaʉ̃ta Jeowabara jarasi: «Kaʉ̃ta iyia, piradrʉ kʼãrãpe iyi ʉ̃rʉ aseiteta weara».