Génesis

3 Iya badua jaranʉmasi wãmarẽã iyi deda mawũã jaranʉmei wãsida iyi deda. Maʉ̃ tẽã yiko mejãcha osi akʉza panta arina erapua ẽãbʉta okobikasi. Ãyara kosida. 9 Ãya mawũãsida: «Jãpeara». Tẽãre jarasida: «Bʉra yumakẽrã abapaibʉta drʉa jãpeba zedata, ¿jaraibaraka bʉara dai sãwũãbʉta? Kõbebʉrʉ daibara bʉra bia edada ẽ bayi ãyi audre». Mawũẽra Lot’ra pʉrrasida akʉza arĩnãibasi iyi puertara. 12 Mawũẽra yumakẽrãra Lot’ʉ̃me ãbapanʉraba jarasida: «¿Wabida erbʉka ẽbẽra bʉara naʉ̃ pʉwʉrʉdera? Ãba jʉredara bʉ wiigʉrata, bʉ kaurata, bʉ mebẽrãta jõmaʉ̃ta, mõbe ãĩ edera mamaʉ̃bara. 24 Mõbe Jeowabara ʉ̃tʉba zebisi tʉbʉ pʉreata azupreʉ̃me Sodoma akʉza Gomorra ʉ̃rʉ. Maʉ̃ra zesi Jeowadeba, zesi ʉ̃tʉba. 25 Mawũã makenasi naʉ̃ra pʉwʉrʉrãra. Jõma maʉ̃ audubida, ẽbẽrarã maʉ̃ne edabadasida akʉza nek’ãrẽ chiruasida. 26 Lot kimara iyi jẽdare teibasi akʉza jẽda akʉsi. Mawũã tãbatotosi.