Génesis

28 Aramaʉ̃ta Isaacbara trʉ̃si Jacobta, nebiata diasi akʉza naʉ̃ta zok’asi: «Juwa jidarãra Canaán kaubawara. 2 Wãra Padán-Aram, Betuel deda bʉ papa zezeidu, mama Labán kau abaʉ̃me juwa jidara, maʉ̃ra bʉ papa mebẽã. 3 Daizeze jõma oseabʉba nebiata diayi mejãcha wũãwũã barabiyi akʉza bʉdeba zebʉrʉrãra mejãcha eaba wãñi akʉza bʉra wãrĩnu pʉwʉrʉ zroma ba zeyi. 4 Iyara bʉa diayi Abrahán nebiata, bʉa akʉza bʉdeba zebʉrʉra, bʉ pʉwʉrʉta erbamarẽã jari bʉa jãpeba zebʉ kĩrãkʼa drʉata, Daizezeba Abrahán diadata. 5 mawũẽra Isaacbara Jacobʼra wãbisi, aramaʉ̃ta Jacobʼra wãsi Padán-Aramʼma Labán chuidu Betuel warra arameo nebemainʉ. 10 Jacobʼra wãsi Beer-Sebaideba Haránʼinʉ jʉ̃ẽñena. 11 Ewari berabarida tẽã jʉ̃ẽsi drʉa abaʉʼa eda bisiata baesi baera, nekʼãrẽ ojʉ̃drʉsi mama kʼãĩta. Maʉ̃ne jidasi mõgarata buru kaʉi baera mõbe mama kʼãĩsi. 12 Aramaʉ̃ta k’ãĩmok’ãrãsi, maʉ̃ne ũdusi dʉmeta egorodeba bajãinu jʉ̃ẽbʉta maʉ̃ne Daizeze angelerata ʉ̃ta wãpe eda zebasi. 13 Adewara ũdusi Jeowara maʉ̃ ʉ̃rʉbʉta mõbe jarabasi: «Mʉ̃ra Jeowa, Abrahán zeze akʉza Isaac zeze. Jari bʉ k’ãĩbʉ drʉara mʉ̃a bʉa diayi akʉza bʉdeba zedara. 14 Bʉdeba zebʉrʉra mejãcha bayi polbo egorodebʉ kĩrãkʼa. Bayi juwarare, juwa’ãkare, wãdeare akʉza bareare. Mebẽrã naʉ̃ drʉadebema jõmaʉ̃ba nebiata ũdudayi bʉdeba akʉza bʉdeba zebʉrʉrabida. 15 Akʉra mʉ̃ra bʉmebʉ, mʉ̃a k’arebayi bʉ wãsimae akʉza mʉ̃a bʉra jẽda weyi naʉ̃ drʉaeda, mʉ̃ara idubʉ e bayi bʉra, mʉ̃ bed’eara aripe berabaribiyi mʉ̃ara. 17 Adewara, perasi mõbe jarasi, naʉ̃ra wawiadaidebʉ. Naʉ̃ra baduẽ awuarabʉrʉ Daizeze de, akʉza maʉ̃ra puerta bajãnebema. 19 Adewara, maʉ̃ra trʉ̃gasi Betel, mamina, maʉ̃ pʉwʉrʉ trʉ̃ra Ũnabaribasi naarãra.